' මව්බිමට ඇති ආදරය ද නීතියට ඇති ගෞරවය ද දේශප්‍රේමී දේශපාලනයට ඇති අවංකභාවයද.......' යනාදි වශයෙන් කරන අඳෝනාව ඉංග්‍රීසි පිටපතේ නොමැති වූවද මහින්ද රාජපක්ෂගේ නඩය සිංහල පිටපතට එය අමුතුවෙන් ඇතුලත්කර තිබේ.
තමන්ගේ වහල් පාක්ෂිකයා සංතර්පණය කිරීම වෙනුවෙන් මේ තක්කඩි වෙනස සිදු කළ බවට සැකයක් නැත.
තවමත් ජාතිවාදී ආගම්වාදී ගෝත්‍රික වුවමනාවන් ඉදිරියට දමාගෙන දේශපාලනය කරන රාජපක්ෂ කල්ලිය. බල ලෝබයෙන් මත්ව, කවර විලි ලැජ්ජාවක් වූවද තනතුරු අත් හැරීමට සූදානම් නැති බවත් මේ නිවේදනයෙන් පැහැදිලි වේ.
ශීලාචාර අවංක සාධාරණ යුක්ති සහගත දේශපාලකයෙකු නම් මේ තනතරු හොර පාරෙන් බාරගන්නේ නැත.. යන්තම් හරි ඒ ගුණාංග පිහිටා තිබුනා නම් මෙලහකටත් රටත් ජනතාවත් තව දුරටත් අර්බුධයට නොයවා තනතුරු ඉවලා යෑම සිදු විය යුතුව තිබිණි.
එහෙත් බලයට ඇති මළ පෙරේතකම සියල්ලට වඩා ප්‍රබලය. මළාට බලය අත් හරින්නේ නැත. මරලා හෝ බලය අල්වා ගැනීම රාජපක්ෂපාගේ පරම පවිත්‍ර චේතනාව වී තිබේ.
