යුද්ධයෙන් පසුව ආර්ථිකය වෙනස් නොකිරීම හේතුවෙන් අද රට බංකොළොත් තත්ත්වයට පත්ව ඇතැයි ජනාධිපති රනිල් වික්‍රමසිංහ මහතා පවසයි. අද (14) කඩවත ප්‍රදේශයේ පැවති ටොයොටා ආයතනයේ උත්සවයකට එක්වෙමින් ජනාධිපතිවරයා මේ බව කියා සිටියේය.

 2023 සිට 2027 දෙසැම්බර් දක්වා වන ශ්‍රී ලංකාවේ උපාය මාර්ගික සැලසුම ලෝක ආහාර වැඩසටහනෙහි විධායක මණ්ඩලය අනුමත කර ඇත.

ඉන්දියාව සහ ශ්‍රී ලංකාව අතර මගී යාත්‍රා සේවාවක් ආරම්භ කරමින් දකුණු ඉන්දියාව සහ කන්කසන්තුරය, ත්‍රිකුණාමලය සහ කොලඹ වරායන් අතර මගී යාත්‍රා සේවාවක් ආරම්භ කිරීමට පියවර ගන්නා බව වරාය, නාවික හා ගුවන්සේවා අමාත්‍ය නිමල් සිරිපාල ද සිල්වා  කොළඹදී ප්‍රකාශ කළේය.

නැගෙනහිර බහාලුම් පර්යන්තය (ECT) සංවර්ධනයට ජපාන් ආයොජකයන් කැඳවීමට එරෙහිව වන බව ජනතා විමුක්ති පෙරමුණට අනුබද්ධ වෘත්තීය සමිතිය වන සමස්ත ලංකා පොදු සේවක සංගමය ප්‍රකාශ කරයි. හිටපු ජනාධිපතිවරයා ECT ඉන්දීය ආයෝජකයකුට ලබා දීමට කළ උත්සාහ පරාජය කිරීමට සටන් කළ ආකාරයෙන්ම විරුද්ධකළ බවද මෙම වෘත්තීය සංගමය පෙන්වා දෙයි.

ක්‍රීඩා ඇමැති රෝෂාන් රණසිංහ හිටි හැටියෙම කිසිදු සාධාරණ හේතු දැක්වීමකින් තොරව ශ්‍රි ලංකා රග්බි සම්මේලනයේ සභාපති රිස්ලි ඉල්ලියාස් එම සභාපති තනතුරෙන් පහ කිරීමට කටයුතු කර ඇත. අන්තර් සමාජීය ලීග් තරගාවලිය අද දින ආරම්භ කිරීමට සියලු කටයුතු රග්බි සම්මේලනය සුදානම් කර තිබියදී ඊයේ රාත්‍රියේදි මෙම අමනෝඥ තීරණය ක්‍රීඩා ඇමැතිවරයා විසින් ගෙන තිබේ.

ලබන වසරේදී (2023) ජනතාවට ජනාධිපතිවරණයක් බලාපොරොත්තු විය හැකි බව එක්සත් ජාතික පක්ෂයේ හිටපු ජාතික සංවිධායක, හිටපු අමාත්‍ය නවීන් දිසානායක ඊයේ (දෙසැ. 7) පැවසා තිබිණි.

ශ්‍රී ලංකා රග්බි සංගමය සංවිධානය කරන 2022/23 රග්බි ලීග් තරගාවලිය ආසන්නයේ තබාගෙන රග්බි විනිසුරුකරුවන්ගේ සංගමය එම තරගාවලිය වර්ජනය කිරීමට ගත් තීරණය පි‍ටුපස දේශපාලන හස්තයක් ක්‍රියාත්මකව ඇති බවට තොරතුරු වාර්තා වේ.

බාහිර ණය අර්බුදය නිසා පීඩාවිඳින ශ්‍රී ලංකාව ඇතුළු අනෙකුත් රටවල් සම්බන්ධයෙන් සාකච්ඡා කිරීම සඳහා ජාත්‍යන්තර මූල්‍ය අරමුදලේ සහ ලෝක බැංකුවේ ප්‍රධානීන්ට චීනය විසින් ආරාධනා කර ඇති බව චීන විදේශ අමාත්‍යංශය පවසයි.