ගුරු වැටුප් විෂමතා ඉවත් කිරීම සඳහා වූ කැබිනට් පත්‍රිකාව ලබන සඳුදා කැබිනට් මණ්ඩලය වෙත ඉදිරිපත් කිරීමට මේ වන විට සකස් කෙරෙමින් පවතින බව අධ්‍යාපන ඇමැති මහාචාර්ය ජී. එල්. පීරිස් මහතා ගුරු සංගම් වෙත දැනුම් දී තිබේ.

ගොවීන් විසින් කාබනික පොහොර යොදා කරනු ලබන නිෂ්පාදන අලෙවි කිරීම සඳහා ‘සතොස ඕගනික් සුපර් මාකට්’ නමින් සෑම නගරයකම සුපිරි වෙළෙඳසල් ස්ථාපිත කිරීමට පියවර ගන්නා බවද වෙළෙඳ ඇමැති බන්දුල ගුණවර්ධන ඊයේ (21දා) පවසා ඇත.

චීනයේ නිෂ්පාදිත සයිනොෆාම් එන්නත් මාත්‍රා මිලියන 2ක් අද (22) අලුයම 05.30ට පමණ බීජිං නුවර සිට පැමිණි ගුවන් යානා දෙකකින්මෙරටට රැගෙන විත් තිබේනවා.

ගුරු – විදුහල්පති වෘත්තීය සමිති කිහිපයක් අද(22) උදෑසන කොළඹ, කොටුව දුම්රියපොළ ඉදිරිපිටදී උද්ඝෝෂණයක් ආරම්භ කර තිබේ. වැටුප් විෂමතා ඇතුළු ඉල්ලීම් කිහිපයක් මුල් කර ගනිමිනි ගුරු – විදුහල්පති වෘත්තීය සමිති කිහිපයක් මෙලෙස උද්ඝෝෂණයේ නියැලේ.

පාස්කු ඉරුදින ප්‍රහාරයට අදාළ සැකකරුවන්ට මේ මස අවසන් වීමට පෙර නඩු පවරන බව මහජන ආරක්ෂක ඇමැති සරත් වීරසේකර පවසයි.

මෙම පත්වීමට අදාලව සමාජ මාධ්‍ය ඔස්සේ සංසරණය වන ලිපිය සම්බන්ධයෙන් ජනාධිපති කාර්යාලයේ ජ්‍යෙෂ්ඨ නිලධාරියකු ගෙන් කළ විමසීමකදී, ජනාධිපතිවරයා විසින් එම පත්වීම අනුමතකර ඇති බව තහවුරු කර තිබේ.

පත්වීමට අදාල දැනුම්දීම ජනාධිපතිවරයා ගේ අත්සනින් යුතුව ග්‍රාමීය නිවාස සහ ඉදිකිරීම් හා ගොඩනැගිලි ද්‍රව්‍ය කර්මාන්ත ප්‍රවර්ධන අමාත්‍යාංශයේ ලේකම් වෙත නිකුත්කර ඇතැයි එම නිලධාරියා සඳහන් කලේ. එසේම ඔහුට මෙම පත්වීම බාර ගන්න ලෙස ආරාධනා කර ඇත්තේ ජනාධිපතිවරයා විසින් බවයි වාර්තා වෙන්නේ.