වර්ෂ 2019 අයවැයට මුදල් අමාත්‍ය මංගල සමරවීර මහතා විසින් යෝජනා කළ පරිදි අතුරුදන්වූවන්ගේ පවුල් වලට මාසික අතුරු දීමනාවක් ලෙස රුපියල් 6000 බැගින් ගෙවීමට අමාත්‍ය මණ්ඩල අනුමැතිය හිමිවී ඇත. ත්‍රිවිධ හමුදාවේ හා පොලීසියේ සේවයේ යෙදී සිටියදී එසේ අතුරුදන් වූවන්ගේ පවුල්වල සාමාජිකයින්ටද මෙම දීමනාව ලබාගැනීමට හිමිකම් කිව හැක.

අගමැති රනිල් වික්‍රමසිංහ ඊයේ කැබිනට් මණ්ඩලයට ගෙන ආ විධායක ජනාධිපතිධුරය අහෝසි කිරීම සම්බන්ධ යෝජනාව කැබිනට් මණ්ඩල ‍රැස්වීමෙන් පසුව විවේචනය කළ බවට චෝදනා කරමින් අශූ මාරසිංහ මන්ත්‍රීවරයා රාවුෆ් හකීම් ඇමැතිවරයා කැබිනට් මණ්ඩලයේ සමුහික වගකීම කඩ කිරීම සම්බන්ධයෙන් පරීක්ෂණයක් කළ යුතු බවට කරන ප්‍රකාශය තලතා අතුකෝරල ඇමතිනිය හෙළා දැකියි.

විධායක ජනාධිපතිධුරය අහෝසි කිරීම සඳහා අද අගමැති රනිල් වික්‍රමසිංහ විසින් ඉදිරිපත් කළ යෝජනාව අඩංගු කැබිනට් පත්‍රිකාව බහුතරයක් ඇමැතිවරුන්ගේ විරෝධ හමුවේ ඉවත් කර ගැනීමට කටයුතු කර තිබේ.

විධායක ජනාධිපතිධුරය අහෝසි කරන්නේමැයි කියමින් එජපෙ ජනාධිපති අපේක්ෂකයා වීමේ ආසාවෙන් ඒ සඳහා වෙහෙසෙන කරු ජයසූරියට තමන්ගේ ඇති වුවමනාව අවංක නම් ඒ වෙනුවෙන් කළ හැකි හොඳම දේ ජාතික ජන බලවේගයේ ජනාධිපති අපේක්ෂක ජවිපෙ නායක අනුර දිසානායකට සහය වීම බව ජවිපෙ පෙන්වා දෙයි. එසේම මේවන විටත් කරූ ජයසූරිය මහතාට ඒ සම්බන්ධයෙන් දැනුම් දීමක් සිදු කර ඇතැයිද ජවිපෙ ආරංචි මාර්ග පවසයි.