පවතින දේශපාලන අස්ථාවරත්වය හමුවේ ශ්‍රී ලංකාවේ ආර්ථිකයට සිදු වන්නේ කුමක්ද යන්න සම්බන්ධයෙන් තමන් දැඩි අවධානයෙන් පසුවන බව ශ්‍රී ලංකාවේ විදෙස් වානිජ සමාගම් පවසනවා. ශ්‍රී ලංකාවේ යුරෝපා වානිජ මණ්ඩලය (ECCSL), අමෙරිකානු වානිජ මණ්ඩලය ( AMCHAM) හා ශ්‍රී ලංකාවේ ජර්මානු කර්මාන්ත හා වානිජ මණ්ඩලය (AHK Sri Lanka) නිවේදනයක් නිකුත් කරමිනුයි මේ බව පවසන්නේ.

ආණ්ඩුක්‍රම ව්‍යවස්ථාවේ 19 වෙනි සංශෝධනය ගෙන ආවේ මේ රටේ ප්‍රජාතන්ත්‍රවාදය ශක්තිමත් කිරීමට බව සිරිසේන ජනාධිපතිවරයා පවසයි. නමුත් මේ බව පවසමින් නිකුත් කළ නිවේදනය තුල ජනාධිපතිවරයා විසින් අමු අමුවේ උල්ලංඝණය කළ 19 වන සංශෝධනයේ, පාර්ලිමේන්තුව වසර හතරාමාරක් යන තුරු විසිරුවා හැරීමට නොහැකි බවට ඇති වගන්තිය ගැන සඳහනක් නැත.

ලෝක වෙලඳ පොළේ ඉන්ධන මිල අඩු වීමෙ වාසිය මේ මොහොතේදී ශ්‍රී ලාංකිකයන්ට ලැබීමේ අවස්ථාවක් තිබුණද මංගල සමරවීර මුදල් ඇමැතිවරයා හඳුන්වා දුන් මිල සූත්‍රය ගොබ්බ රාජපක්ෂ පාලනය විසින් අහෝසි කිරීම නිසා ඒය මේ වන විට අහිමිව තිබේ.

ඇමරිකා එක්සත් ජනපදයේ දේශපාලන හා හමුදා ප්‍රධානින් වාර්ෂිකව සිය මානසික සෞඛ්‍ය තත්වය පරික්ෂා කර ගත යුතු බවට නීතියක් ඇති බවත් එම ක්‍රමයම ශ්‍රී ලංකාවේ ද ක්‍රියාත්මක කළ යුතු බවත් පාර්ලිමේන්තු මන්ත්‍රි සරත් ෆොන්සේකා අද පාර්ලිමේන්තු සැසිවාරයේදි පැවසුවා.