මහනුවර දිස්ත්‍රික්කය පුරාම ත්‍රිවිධ හමුදාව, විශේෂ කාර්ය බලකාය හා පොලිසිය මේ වන විට යොදවා තිබෙන බවත් ඕනෑම ආකාරයක නොසන්සුන් තත්ත්වයක් පාලනය කිරීමට සුදානමින් සිටින ලෙස ඔවුන්ට උපදෙස් ලබා දී තිබෙන බවත් අද විශේෂ ප්‍රකාශයක් කරමින් අගමැතිවරයා පැවැසීය..

මහනුවර කේන්ද්‍ර කරගෙන සිංහල බෞද්ධ ජාතිවාදීන් ආරම්බ කළ ප්‍රහාරය නිසා ඇතිව තිබෙන කළඹගෑනිය පාලනය කිරීමට ආණ්ඩුව ගත් දැනෙන පියවර වූයේ සමාජ ජාලා අවහිර කිරීමය. ආණ්ඩුවේ ඇත්තෝ හෝ මේ මෝඩ තීන්දුව ගත් අය හිතන් ඉන්නේ මේ ජාතිවාදි කෝළහලය තිබෙන්නේ සමාජ ජාලා තුල බවය.

තෙල්දෙණිය, දිගන ප්‍රදේශ මුලික කරගෙන පැතිර ගිය සිංහල ජාතිවාදී ප්‍රහාරවලට පොලිසියේ සහය ලැබී තිබෙන බවට මේවන විට තොරතුරු හෙළිව පවතින බව තතු දත් ආරංචි මාර්ග පෙන්වා දෙයි.

ශ්‍රී ලංකා නිදහස් පකෂයේ කොටසක්ද එජාපයේ කොටසකද රාජපක්ෂ කල්ලියද අගමැති රනිල් වික්‍රමසිංහට එරෙහිව විශ්වාසභංග යෝජනා ගෙන එන බව කීවද මේ වන විට ඒ කිසිවකුත් ඊට සූදානම් නැති බව පෙනීයයි. අනෙක් පාර්ශ්වයකින් ගෙන එනවා නම් සහය දෙනවා කියමින් මේ සියළු පාර්ශ්ව කටයුතු කරමින් සිටී.

පාසල් ශිෂ්‍ය ශිෂ්‍යාවන් සහ ගුරුවරුන් වැඩි ප්‍රමාණයක් සිටින පාසල් පරිපාලනය කිරීමේ පහසුවට පාසල් කලමනාකරුවෙකු පත් කිරීම යෝජනාවක් අධ්ප‍යාන අමාතයංශ්‍යයට ලැබී තිබේ.