නමුත් මාලිංග මේ වන විට සම්පූර්ණ සුවය ලබා ඇති බවත් එළඹෙන ලෝක කුසලාන තරඟාවලියට සහභාගී වීමට හැකි බවත් ක්‍රිකට් තේරීම් කමි‍ටු සභාපති සනත් ජයසූරිය පැවසුවේය.
එම පාදයේ ආබාධය හේතුවෙන් ලසිත් ඔස්ට්‍රේලියාවේ මෙල්බර්න්හිදී ශෛල්‍යකර්මයකට භාජනය වූ අතර ඉන්පසු ඔහුට සිව්මසක කාලයක් විවේක ගන්නා ලෙස වෛද්‍ය උපදෙස් ලැබී තිබිණි.
එළඹෙන ලෝක කුසලාන තරඟාවලියේදී ලසිත් මාලිංග ශ්‍රී ලංකාව පැත්තෙන් තීරණාත්මක සාධකයක් විය හැකි බව ක්‍රිකට් විචාරකයින් ගේ අදහසයි. ඔහු මේ වනවිට ලෝක කුසලානය ඉලක්ක කර පුහුණුවීම් කටයුතුද අරඹා ඇත. ඔහු මෙවර ලෝක කුසලානයේදී වෙනදාටත් වඩා පිතිකරුවන්ට භයානක පන්දු යවන්නෙකු වන බවට වේග පන්දු පුහුණුකරු චමින්ද වාස් පවසයි.
