ජාතික හෙළ උරුමය විසින් කරන ලද පැමිණිල්ලකට අනුව මෙම මූල්‍ය වංචාවන්ට අදාළව පරීක්ෂණ පවත්වන මූල්‍ය අපරාධ විමර්ශන කොට්ඨාසයට කළ ඉල්ලීමකට අනුව කොළඹ ප්‍රධාන මහේස්ත්‍රාත් ගිහාන් පිලපිටිය මහතා එලෙස නියම කළේය.
පල්ලෙකැලේ ජාත්‍යන්තර ක්‍රිකට් ක්‍රීඩාංගණය ඉදිකිරීම සඳහා භාණ්ඩ මිලදී ගත් බිල්පත් හා රිසිට් පත්වල මුල් පිටපත්ද එම කොට්ඨාසයට භාරදෙන ලෙසද මහේස්ත්‍රාත්වරයා රාජ්‍ය ඉංජිනේරු සංස්ථාවේ සභාපතිවරයාට නියම කළේය.
පල්ලෙකැලේ ජාත්‍යන්තර ක්‍රිකට් ක්‍රීඩාංගණය ඉදිකිරීම සඳහා ශ්‍රී ලංකා ක්‍රිකට් ආයතනයේ හිටපු සභාපති ඩී.එස්. සිල්වා මහතා සහ රාජ්‍ය ඉංජිනේරු සංස්ථාවේ හිටපු සභාපති මහාචාර්ය අසූ මාරසිංහ යන මහත්වරුන් විසින් ගිවිසුමකට එළැඹ ඇති බවත්, එම ගිවිසුමට අනුව ක්‍රීඩාංගණය ඉදිකිරීම සඳහා රුපියල් 985,990,095.66 ක මුදලක් වැයවන බවට ඇස්තමේන්තු කොට ඇති බවත් මූල්‍ය අපරාධ විමර්ශන කොට්ඨාසය අධිරණයට දැනුම් දුන්නේය.
ආයතනවල සභාපතිවරුන්ගේ අනුදැනුම ඇතිව ශ්‍රී ලංකා ක්‍රිකට් ආයතනය වෙනුවෙන් එහි මෙහෙයුම් ප්‍රධානී ඈෂ්ලි සිල්වා මහතාත්, ශ්‍රී ලංකා ඉංජිනේරු සංස්ථාව වෙනුවෙන් එහි සාමාන්‍යාධිකාරී එම්.ඩබ්ලිව්.ජේ. ද සිල්වා මහතාත් එම ගිවිසුම්වලට අත්සන් කොට ඇති බවත් මූල්‍ය අපරාධ විමර්ශන කොට්ඨාසය අධිරණයට දන්වා සිටියේය. මේ පිළිබඳව පවත්වන පරීක්ෂණ සඳහා එම ගිවිසුමේ මුල් පිටපත් තමන්ට අවශ්‍ය වී ඇතැයි ඔවුහු දැනුම් දුන්හ.
එම ගිවිසුම මෙන්ම ක්‍රීඩාංගණය ඉදිකිරීම සඳහා භාණ්ඩ මිලදී ගැනීමට අදාළ බිල්පත් සහ රිසිට් පත්වල මුල් පිටපත්ද තමන්ට අවශ්‍ය වී ඇතැයි දැනුම් දුන් නිලධාරීහු, එම ලේඛන තමන්ට බාරදෙන ලෙස ශ්‍රී ලංකා ක්‍රිකට් සහ රාජ්‍ය ඉංජිනේරු සංස්ථාවේ නිලධාරීන්ට නියම කරන්නැයි ඉල්ලා සිටියහ.
ඉදිරිපත් වූ කරුණු සලකා බැලීමෙන් අනතුරුව ඒ සඳහා අවසර ලබාදුන් මහේස්ත්‍රාත්වරයා, පරීක්ෂණ අවසන් කර අධිකරණයට කරුණු දැනුම් දෙන ලෙස පොලීසියට නියම කළේය.
අද
