මෙම තීරණය දැනුම් දී තිබෙන්නේ ආසියානු ඔලිම්පික් කමිටුවේ සභාපති ෂේක් අහමඩ් අල්-ෆහාඩ් අල්-සබා ටෙහෙරානයේ පැවති මාධ්‍ය හමුවකදීයි. ක්‍රීඩා ඉසව් ගණනාවකින් සමන්විත 2017 වසරේ ආසියානු යොවුන් ක්‍රීඩා උළෙල පැවැත්වීමට නියමිතව තිබුණේ හම්බන්තොට නගරයේයි.
ඒ සම්බන්ධයෙන් ආසියානු ඔලිම්පික් කමිටුව විසින් නිකුත් කරනු ලැබ ඇති නව නිවේදනයක දැක්වෙන්නේ, ‘ශ්‍රී ලංකා ආණ්ඩුවෙන් ජාතික ඔලිම්පික් කමිටුවේ අධිකාරයට එල්ල වී ඇති ප්‍රශ්න හේතුවෙන්’ හම්බන්තොට ලද සත්කාරක වරම ඉවත් කර ගන්නා බවයි.
කෙසේවුවද, ඉහත කී අර්බුදයේ ප්‍රතිඵලයක් වශයෙන් 2017 වසරේ ආසියානු යොවුන් ක්‍රීඩා උළෙල ඉන්දුනීසියාවේ ජකර්තා නගරයේ සංවිධානය කිරීමට තීන්දු කරනු ලැබ ඇති බව වාර්තා වේ.
