බ්‍රිතාන්‍යයේ සිට ලංකාවට ප්ලාස්ටික්, පොලිතීන් ඇතුළු රෝහල් අපද්‍රව්‍ය අඩංගු කන්ටේනර් 102ක් ලංකාවට රැගෙන ආවේ ධම්මික පෙරෙරාට අයත් හේලිස් සමාගම විසින් බවට වාර්තා පළ වී තිබෙනවා. එලෙස ගෙන ආ කසල තොගයක් දැනට හේලීස් සමාගමේ උප සමගාමක් වන Advantis නම් සමාගම් භූමිය තුළ ගොඩගසා ඇති ආකාරය දැක්වෙන ගුවන් ඡායාරූප ද මාධ්‍ය වෙතින් මුදා හැරුණා.

මහින්ද රාජපක්ෂ අද දින පොදුජන එක්සත් පෙරමුණ සඳහා තවත් සුලු පක්ෂ 10 ක් සමඟ ගිවිසුම් වලට එළඹුණ බවට මාධ්‍ය සංදර්ශන පැවැත් වූවද ඒ කිසිවක් වලංගු ගිවිසුම් නොවන බවට තොරතුරු හෙළිවේ. මන්ද මහින්ද රාජපක්ෂ යනු පොදුජන පෙරමුණේ නිල තනතුරක් තබා සාමාජිකත්වයවත් නොදරන්නකු වන නිසාය. ඔහු තවමත් ශ්‍රීලංකා නිදහස් පක්ෂයේ සාමාජිකයෙකි.

හෙට (26) ශ්‍රී ලංකා පොදුජන පෙරමුණ සමග මෙතෙක් ඒකාබද්ධ විපක්ෂයේ නියෝජනය නොවන කුඩා පක්ෂ ගණනාවක් 'ද්විපාර්ශවීය' ගිවිසුම් ගතවීම විපක්ෂ නායක මහින්ද රාජපක්ෂ මහතා වෙසෙන කොළඹ විජේරාම නිවසේදී සිදු කිරීමට නියමිතය. එහෙත් ඒ සම්බන්ධයේ ඒකාබද්ධ විපක්ෂය සමඟ එක්ව කටයුතු කළ පැරණි පක්ෂ විරෝධය පළකර තිබේ.

මැදමුලන ඩී.ඒ. රාජපක්ෂ අනුස්මරණ කෞතුකාගාරය ඉදි කිරීමේදී රාජ්‍ය මුදල් සාවද්‍ය පරිහරණය කර ඇති බවට හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන් 7 දෙනෙකුට එරෙහිව ගොනුකර ඇති නඩුව විභාගයට ගැනීම ඔක්තෝබර් මස 01 වැනිදා දක්වා අත්හිටුවීමට ශ්‍රේෂ්ඨාධිකරණය නියෝගයක් නිකුත් කර තිබේ.

පාස්කු ඉරිදා ත්‍රස්ත ප්‍රහාරයෙන් රාජ්‍ය අදායමට, රුපියල් බිලියන 50 ක් අහිමිව ගොස් ඇති බව මුදල් අමාත්‍යාංශය අනාවරණය කරයි.

ගොඩනැගෙන වරාය නගරය කොළඹ දිස්ත‍්‍රික්කයේ කොටසක් හැටියට ඉදිරි කාලයේදී නීත්‍යානුකූලව පවත්වාගෙන යෑම සඳහා ස්වදේශ කටයුතු අමාත්‍යාංශය මගින් නිකුත් කළ ගැසට් නිවේදනය අද පාර්ලිමේන්තු අනුමැතිය සඳහා ඉදිරිපත් කෙරිණි.