බෞද්ධාගමට අපහාසයක් වන අන්දමේ කෙටිකතාවක් ලියා පළකලේයැයි කියමින් ලේඛක ශක්තික සත්කුමාරට එරෙහිව පොල්ගහවෙල පොලීසිය විසින් ගොණුකොට ඇති නඩුව අද දිනයේද පොල්ගහවෙල මහේස්ත්‍රාත් නෙළුම් ප්‍රියදර්ශනී මැතිනිය ඉදිරිපිට කැදවන ලදී.

ජාතික රුපවහිනියේ නව සභාපතිවරයා ලෙස ජනමාධ්‍ය රාජ්‍ය ඇමැති රුවන් විජේවර්ධන විසින් පත් කරන ලද සංජීව විජේගුණවර්ධන නැමැත්තෙකු අද දින රූපවාහිනී පරිශ්‍රයට පැමිණ තමන් නව සභාපති බවත් තමාට සභපතිවරයාගේ කාමරය ලබා දිය යුතු බවත් කියමින් එම පරිපාලන නිළධාරීන් ඉදිරියේ යකා නටමින් සිටින බව වාර්තා වේ.

අයුක්ති සහගත ලෙස සිරගත කොට ඇති ලේඛක ශක්තික සත්කුමාර නිදහස් කරගනු පිණිස ජාතික හා ජාත්‍යන්තර වශයෙන් හඬක් නැගෙද්දී ඔහුට අනිවාර්යයෙන් ම දඬුවම් දියයුතු ම බව කියමින් ඒ වෙනුවෙන් නීතිපති දෙපාර්තමේන්තුව දැඩි ලෙස බලපෑම් කරන නිලධාරිනියක් පිළිබඳව වාර්තාවේ.

එක්සත් ජාතික පක්ෂයේ ජනධිපතිවරණ අපේක්ෂකයා ලෙස වත්මන් අගමැති රනිල් වික්‍රමසිංහ ඉදිරිපත් කිරීමට තීරණය කර ඇති බවත් ඒ වෙනුවෙන් සහය දෙන ලෙස ස්වර්ණවාහිණී මාධ්‍ය ආයතනයෙන් ඇමැති රාජිත ඉල්ලීමක් කර තිබේ.

කුරුණෑගල ශික්ෂණ රෝහලේ වෛද්‍ය සාෆි මොහොමඩ්ගේ සිද්ධියට අදාළව කුරුණෑගල මහේස්ත්‍රාත් සම්පත් හේවාවසම්ගේ හැසිරීම බරපතළ සැක මතු කරන බවත්, ඒ සම්බන්ධයෙන් විධිමත් පරීක්ෂණයක් පවත්වන ලෙසත් අපරාධ පරීක්ෂණ දෙපාර්තමේන්තුව අධිකරණ සේවා කොමිසමෙන් ඉල්ලීමක් කර තිබේ.