සිරිසේන ජනාධිපතිවරයා අද උදෑසන මහින්ද පාර්ශ්වයට හා එජාපයට දන්වා ඇත්තේ ඉදිරි පැය 24 ඇතුලත 113 ක බහුතරයක් තමන්ට ඇති බව ඔප්පු කරණ පාර්ශ්වයට අගමැතිකම දෙන බවය. 

ජනාධිපති සිරිසේන විසින් නීති විරෝධී ලෙස මහින්ද රාජපක්ෂ අගමැතිධුරයේ හිඳවීමේ සිට මේ දක්වා වූ සිදුවීම් දාමය එක්සත් ජාතික පක්ෂයට දේශපාලනිකව අතිශය වාසි සහගත බව එජාපයේ ජේෂ්ඨ ඇමැතිවර්යකු පැවසීය. 

පාර්ලිමේන්තුව හමුවේ දෙවරක්ම විශ්වාසභංගයකින් පරාජය වූ මහින්ද රාජපක්ෂව යළිත් අගමැතිවරයා ලෙස පත් කිරීම සඳහා ජනාධිපති සිරිසේන සූදානමින් පසුවන බව දැන ගැනීමට තිබේ.

අද පාර්ලිමේන්තුවේදී කතානායකවරයාට පසුව රාජපක්ෂ ත්‍රාඩ කල්ලියේ වැඩිම විරෝධයක් එල්ල වූයේ මංගල සමරවීර මන්ත්‍රීවරයා ඉලක්ක කරගෙන බව වාර්ථා වෙයි. 

ජනාධිපතිවරයගේ ඉල්ලීම පරිදි, පසුගියදා ඉදිරිපත් කරන ලද විශ්වාසභංග යෝජනාවේ අංක 1 යොජනාව ඉවත් කර අද දින ඉදිරිපත් කරන ලද විශ්වාසභංග යොජනාවද බහුතර ඡන්දයෙන් සම්මත වූ බව කතානායක වරයා පාර්ලිමේන්තුව හමුවේ ප්‍රකාශ කර සිටියේය.

ජනාධිපති සිරිසෙන විසින් ඊයේ රාත්‍රියේදී පක්ෂ නායකයන්ගෙන් ඉල්ලා සිටියේ පසුගියදා පාර්ලිමේන්තුවේ සම්මත කළ විශ්වාසභංගය සංශෝධනය කර නැවත ඉදිරිපත් කරන ලෙසය . මෙහිදී ඉවත් කරන ලෙස ඉල්ලා සිටියේ ජනාධිපතිවරයා ගත් ව්‍යවස්ථා විරෝධී පියවර සම්බන්ධයෙන් වන අංක 01 වගන්තියයි.