එක්සත් ජනතා නිදහස් සන්ධානයේ මැතිවරණ ව්‍යාපාරය හෙට (17 ) දා ඵෙතිහාසික අනුරාධපුරයෙන් ආරම්භ කිරීමට නියමිත නමුත්, එම දිස්ත්‍රීක්කයට සන්ධානයෙන් ඉදිරිපත්වන අමාත්‍ය දුමින්ද දිසානායක මහතා එදින පස්වරුවේ පැවැත්වෙන මංගල රැලියට සහභාගී නොවීමට තීරණය කර ඇතැයි වාර්තා වේ.

මහා මැතිවරණය සඳහා එක්‌සත් ජනතා නිදහස්‌ සන්ධානය සකස්‌ කළ නාමයෝජනා ලැයිස්‌තුවලට දූෂිතයන් සහ හොරුන් ඇතුළත් කළේ ඇයි දැයි එක්‌සත් ජනතා නිදහස්‌ සන්ධාන මහලේකම් වරයා රටට වහාම හෙළිකළ යුතු යෑයි හිටපු අමාත්‍ය කෑගල්ල දිස්‌ත්‍රික්‌ එක්‌සත් ජනතා නිදහස්‌ සන්ධානයේ කණ්‌ඩායම් නායක අතාවුද සෙනෙවිරත්න මහතා පැවසීය.

 හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය අද (16 දා) දිවයිනට පැමිණීමට නියමිතව ඇතැයි ඇයට සමීප ආරංචි මාර්ග සඳහන් කළේය. ඇය දිවයිනට පැමිණීමෙන් අනතුරුව හිටපු ජනාධිපති මහින්ද රාජපක්ෂ මහතාට එක්සත් ජනතා නිදහස් සන්ධානයෙන් නාමයෝජනා ලබාදීම සම්බන්ධයෙන් විශේෂ අදහස් පළ කිරීමක් සිදුකරනු ඇතැයි ද එම ආරංචි මාර්ග පැවැසීය.

මුල්කිරිගල ආසනයේ ප්‍රධාන සංවිධායකවරිය ලෙස මහින්ද රාජපක්ෂගේ ඥාති දියණියක වන නිරූපමා රාජපක්ෂ මහත්මියට නැවත ප්‍රදාන කිරීම මඟින් මෛත්‍රීපාල සිරිසේන මහතා රාජපක්ෂ පවුල තුලද අර්බූදයක් ඇති කිරීමට සමත්ව තිබේ.මහින්ද රාජපක්ෂ, නිරූපමාට හම්බන්තොට දේශපාලනය කිරීම තමන්ගේ සීමාවට යටත් කොට තිබිණි.මේ නිසා ඇය මහින්ද රජපක්ෂ බාපොච්චා සමඟ සිටියේ දැඩි කලකිරීමකිණි.

ශ්‍රී ලංකා නිදහස් පක්ෂයේ මධ්‍යම කාරක සභා ‍රැස්වීම වැලැක්වීම සඳහා අද(15) දින අතුරු තහනම් නියෝගයක් ලබා ගැනීමට ජනාධිපති මෛත්‍රීපාල සිරිසේන මහතා සමත් විය. ලබන 29 වන දින දක්වා මෙම වාරණ නියෝගය බලපවත්වන බව කොළඹ මහාධිකරණ විනිසුරුවරයා විසින් නියෝග කරනු ලැබීය.

කොළඹ දිස්ත්‍රික් සන්ධාන අපේක්ෂක විමල් වීරවංශ මහතාට මෙවර නාම යෝජනා නොලැබූ දුමින්ද සිල්වාගේ සහය හිමිවන බව දැන ගැනීමට තිබේ. දුමින්ද සිල්වා මහතාගෙන් හා ඔහුගේ සොහොයුර වන රෙනෝ ද සිල්වා මහතාගෙන් මෙවර විමල් වීරවංශ මහතාට සහය ලබා දෙන මෙන් ඉල්ලා තිබෙන්නේ කුරුණෑගල දිස්ත්‍රික් සන්ධාන ප්‍රබල අපේක්ෂකයකු විසින් බව ද හෙළිවේ. ඒ වෙනුවෙන් මෙවර මැතිවරණ ප්‍රචාරක දැන්වීම ‍රැසක් හිරු නාලිකාවට ලබා දෙන බවටද පොරොන්දු වී ඇත.

ජනපතිගේ ප්‍රකාශයෙන් සන්ධානය කම්පාවට පත්ව ඇති බවත් මීට දෙසතියකට පෙර මෛත්‍රීපාල සිරිසේන මහතා සන්ධානයේ තීරණය අනුව මහින්ද රාජපක්ෂ මහතාට නාමයෝජනා දීමට එකඟවු බවත් සන්ධානයේ මහ ලේකම් සුසිල් ප්‍රේමජයන්ත පවසයි. ඔහු මේ බව පැවසුවේ අද(15) පැවති මාධ්‍ය හමුව අමතමින්ය.

හිටපු ජනාධිපති මහින්ද රාජපක්ෂ මහතා එක්සත් ජනතා නිදහස් සන්ධානයේ මැතිවරණ මෙහෙයුම් කමිටු සභාපති ලෙස වැඩ භාරගෙන තිබේ.