ප්රගීත් අතුරුදහන් කල රාජපක්ෂාලාට සන්ධ්යා පොල් ගහයි!(photos)
මාධ්යවේදී ප්රගීත් එක්නැලිගොඩ මහතාව රාජපක්ෂ රෙජීමය විසින් පැහැරගෙන ගොස් අතුරුදන් කර අදට(18 ) දින 2000ක් සම්පූර්ණ වෙයි. මේ හේතුවෙන් අද මෝදර කාලි කෝවිලේදී ප්රගීත් එක්නැලිගොඩ මහතාගේ බිරිද සන්ධ්යා ප්රියංගනී එක්නැලිගොඩ ගේ මූලිකත්වයෙන් විරදම් අධිෂ්ඨාන පූජාවක් පැවැත්වුණි.
ඊයේ අනුරාධපුර සල්ගාදු ක්රීඩාංගණයේ පැවති එක්සත් ජනතා නිදහස් සන්ධානයේ මංගල රැලියට සමස්ත අධිකරණ පද්ධතියම මුලාවකට ලක් කළ හිටපු අගවිනිසුරු සරත් එන් සිල්වා ද ගොඩවූයේය. ඔහුට එහිදී පවසන්නට තිබුණේ අපේ හිතවත් මෛත්රීපාල සිරිසේන දැන් වෛරී සිරිසේන බවට පත් වී ඇති බවකි.
මහා පරිමාණ වංචා හා දූෂණ චෝදනා එල්ලවූවන් ප්රසිද්ධ සාක්ෂි විභාග සඳහා කැඳවීම අගෝස්තු මස 20 වැනිදා දක්වා කල් දැමීමට විශේෂ ජනාධිපති විමර්ශන කොමිෂන් සභාව පියවර ගෙන ඇත.
පාර්ලිමේන්තු මැතිවරණය සඳහා භික්ෂුන් වහන්සේ 150 නමක් පමණ ඉදිරිපත්ව ඇතැයි අතිරේක මැතිවරණ කොමසාරිස් ආර්. එම්. එල්. රත්නායක මහතා කීය.
එළඹෙන මහ මැතිවරණයේ ප්රතිඵලය කුමක් වුවත් මැතිවරණයෙන් පසු නිශ්චිත කාල සීමාවක් සඳහා ජාතික ආණ්ඩුවක් පිහිටුවීමට එක්සත් ජනතා නිදහස් සන්ධානයේ ප්රබලයන් පිරිසක් දැනටමත් සාකච්ඡා ආරම්භ කොට ඇති බව දේශපාලන ආරංචි මාර්ග කියයි.
අරලියගහ මන්දිරය ඡන්ද වැඩට අරගෙන - ට්රාන්ස්පේරන්සි ඉන්ටර්නැෂනල්
අගමැති රනිල් වික්රමසිංහ මහතා අරලියගහ මන්දිරය මැතිවරණ ප්රචාරක ක්රියාවලට යොදා ගනිමින් විවිධ රැස්වීම් සහ හමුවීම් පවත්වන බව ට්රාන්ස්පේරන්සි ඉන්ටර්නැෂනල් ශ්රී ලංකා ආයතනය යටතේ ක්රියාත්මක පොදු දේපළ රැක ගැනීමේ වැඩසටහනේ ජාතික සම්බන්ධීකාරක ශාන් විඡේතුංග මහතා මැතිවරණ කොමසාරිස්වරයාට පැමිණිලි කර ඇත.
අදට (18) යෙදී තිබෙන රාමසාන් සැමරුම වෙනුවෙන් විශේෂ නිවේදනයක් නිකුත් කරමින් අග්රාමාත්ය රනිල් වික්රමසිංහ මහතා සදහන් කරන්නේ ශ්රී ලාංකික මුස්ලිම් ජනයා මෙවර රාමසාන් උත්සවය සමරන්නේ සැකෙන් බියෙන් තොරව, නිදහසේ හුස්මක් ගත හැකි සමාජ වටපිටාවක් තුළ බවයි.
ඉදිකිරීම් නිවාස පොදු පහසුකම් අමාත්ය ධුරය දරද්දී විමල් වීරවංශ මහතා සිය අමාත්යාංශය යටතේ පවතින ආයතනවලින් දිනපොත් මුද්රණයට එකතුකරගත් රුපියල් ලක්ෂ එකසිය හතළිහට සහ එම අමාත්යාංශය යටතේ පවතින ඕෂන් වීව් සමාගම දිනපොත් මුද්රණයට වෙන් කළ මුදලින් ඉතිරි වූ රුපියල් ලක්ෂ එකසිය තිස්තුනක මුදලට සිදුවූයේ කුමක්ද එය කාගේ සාක්කුවකට ගියේද යන කාරණාවට පිළිතුරු ලබාදෙන ලෙසට එජාප හිටපු පාර්ලිමේන්තු මන්ත්රී නලීන් බණ්ඩාර මහතා විමල් වීරවංශ මහතාට අභියෝගයක් කළේය. එම කාරණාව පිළිබඳව මූල්ය අපරාධ කොට්ඨාසය පරීක්ෂණ පවත්වයි.
