උතුරු නැගෙනහිර යුද්ධයෙන් අවසන් කාලයේ සිදුවූ මානව හිමිකම් උල්ලංඝනය වීම් අලලා සැකසුණු ‘No Fire Zone’ වාර්තා චිත්‍රපටයේ සිංහල භාෂා පිටපත අන්තර්ජාලයට මුදා හැර තිබේ
එජනිස පාර්ලිමේන්තු මන්ත්‍රී සජින්ද වාස් ගුණවර්ධන මහතාගෙන් මූල්‍ය වංචා කොට්ඨාසය මේවන විට ප්‍රශ්න කරමින් සිටී.
යළි දේශපාලනයට එක්වීමේ අදහසක් තමාට නොමැති බව ශ්‍රී ලංකා ක්‍රිකට් තේරීම් කමිටු සභාපති මාතර දිස්ත්‍රික් පාර්ලිමේන්තු මන්ත්‍රී සනත් ජයසූරිය මහතා පැවසීය.
සවුදියේ ගෙළ සිඳීමට සිටි ලාංකිකයන් තිදෙනා වෙනුවෙන් ලේ වන්දියක්‌
සවුදි අරාබියේ ගෙළ සිඳ මරා දැමීමේ තීන්දුවට ලක්‌වූ ශ්‍රී ලාංකිකයන් තිදෙනාගේ දඬුවම ලේ වන්දියක්‌ දක්‌වා ලිහිල් කර ගැනීමට හැකිවූ බව විදේශ රැකියා ඇමැතිනී තලතා අතුකෝරළ මහත්මිය ඊයේ (17 දා) පාර්ලිමේන්තුවේදී ප්‍රකාශ කළාය.
ක්‍රීඩා සංගම් මා‍ෆියාවට ඇමැතිගෙන් මාරාන්තික ප්‍රහාරයක් !
ඉදිරි කාලයේ පැවැත්වෙන නිලවරණවලට අදාළව මේ වනවිටත් නාමයෝජනා භාරගෙන ඇති ජාතික ක්‍රීඩා සංගම් සුදුසුකම් සපුරා නැති අයගේ නාමයෝජනා පිළිගෙන ඇත්නම් ඒවා අවලංගු කොට නැවත නාමයෝජනා කැඳවිය යුතු බවත්. ඒ සඳහා සාධාරණ කාලයක් ලබාදිය යුතු හෙයින් තවත් සති හයකින් නිලවරණ පැවැත්වීමේ කාලය දීර්ඝ කරන ලෙසත් ක්‍රීඩා හා සංචාරක ඇමැති නවීන් දිසානායක මහතා අමාත්‍යංශ නිලධාරීන්ට උපදෙස් දී ඇත.
එළඹෙන මහා මැතිවරණයේදී ශ්‍රී ලංකා කම්කරු පක්‌ෂයෙන් ඉදිරිපත් වීමට කටයුතු සූදානම් කරමින් සිටින පරාජිත ජනාධිපතිවරණ අපේක්ෂක මහින්ද රාජපක්ෂ එම පක්ෂයේ ඡන්ද සලකුණ වන කැන්ගරුවා වෙනුවට ශ්‍රී ලංකාවට ගැලපෙන දේශීය සලකුණක්‌ යොදා ගැනීමට උත්සහයක් ගනිමින් තිබේ.
හදිසියේ ඡන්ද ක්‍රමය ඉවත් කළොත් තමන්ට පැවැත්මක් නැතැයි සුළු පක්ෂ පරල වේ. රටපුරා විරෝධතා
නව ජන්ද ක්‍රමය මගින් කුඩා පක්‍ෂවලට පාර්ලිමේන්තුවට, පළාත් සභාව හෝ පළාත් පාලන ආයතනවලට පත් වීමට ඇති අවස්‌ථාව අහිමි වීමේ සැකයක්‌ පවතින නිසා හදිසියේ ජන්ද ක්‍රමය වෙනස්‌ කිරීමට විරුද්ධ වීමට සුළු පක්ෂ රැසක්‌ එක්‌ව තීරණය කර ඇති අතර ඉදිරියේදී මේ පිළිබඳවත් රට පුරා ජනහමු පැවැත් වීමටද තීරණය වී ඇත.
හිටපු ජනාධිපති වෘත්තීය සමිති අධ්‍යක්ෂ ජනරාල්ව සිටි භාරත ලක්ෂ්මන් ප්‍රේමචන්ද්‍ර මහතා ඇතුළු සිව් දෙනෙකු ඝාතනය කිරීම සම්බන්ධයෙන් අධි චෝදනා ලැබ සිටින පාර්ලිමේන්තු මන්ත්‍රී දුමින්ද සිල්වා මහතා ඇතුළු විත්තිකරුවන් 13 දෙනා හට ලබන අප්‍රේල් 01 වැනිදා අධිකරණය හමුවේ පෙනී සිටින ලෙස දන්වමින් සිතාසි නිකුත් කිරීමට කොළඹ මහාධිකරණ විනිසුරු දේවිකා ද ලිවේරා තෙන්නකෝන් මහත්මිය ඊයේ (17) නියෝග කළාය.
