ත‍්‍රස්තවාදය දේශසීමා නොමැති බවත් මැදපෙරදිගින් ඔබ්බෙහි රාජ්‍යයන් ගණනාවක් මෙම අනතුරට මුහුණදී ඇති බවත් අබ්දුල්ලා රජුගේ අදහසයි.
ඔහු මේ අදහස් දක්වා ඇත්තේ සවුදි අරාබියේ නව ඇමරිකානු තානාපතිවරයා ඇතුළු නව තානාපතිවරුන් පිළිගැනීම සඳහා පැවති උත්සවයක් අමතමින්ය.
ටක්ෆිරි සටන්කාමීන් විසින් සිදුකරන ලද හිස් ගසා දැමීම් සහ ඒවා කුඩා දරුවන්ටත් පෙනෙන අයුරින් වීදිවල ප‍්‍රදර්ශනය කිරීම් ආදී ත‍්‍රස්ත ක‍්‍රියා සැවොම දැක ඇති බවත් ඔවුන් ඉදිරියට සිදුකරනු ඇති දේ පැහැදිලි බවත් ඔහු සඳහන් කර තිබේ.
බලය, අරමුණ සහ අවශ්‍ය වේගයෙන් යුතුව ත‍්‍රස්තවාදය හා සටන් වැදිය යුතුය යන පණිවුඩය තම රාජ්‍ය නායකයින් වෙත ගෙන යන ලෙසද අබ්දුල්ලා රජු නව තානාපතිවරුන්ගෙන් ඉල්ලා ඇතැයි වාර්තා වේ.
කෙසේවෙතත් විචාරකයන් පවසන්නේ සවුදි රජුගේ මෙම ප‍්‍රකාශය උත්ප‍්‍රාසාත්මක බවය.
