ඉස්වෙස්ටියා පුවත්පත සමග පැවති සම්මුඛ සාකච්ඡාවකදී ඔහු පවසා ඇත්තේ ගූගල් සමාගම විවෘතවම රුසියානු විරෝධී ප‍්‍රතිපත්තියක් දරමින් සිටින අතර රුසියානු පුරවැසියන් පිළිබඳ තොරතුරු යුක්රේනය වෙත සපයමින් සිටින බවයි.
ගූගල් සමාගම හා යුක්රේන ආරක්ෂක සේවය අතර සහයෝගිතා ගිවිසුමක්ද අත්සන් තබා ඇති බව තමන්ට සැලවූ බව මන්ත‍්‍රීවරයා පවසා තිබේ.
ඇමරිකාව රුසියාව දුර්වල කිරීමේ මෙහෙයුමක සිටින හෙයින් ගූගල් වැනි ඇමරිකානු සමාගම්ද එම ව්‍යාපෘතියට සහය දෙමින් සිටින බව ඔහුගේ අදහසයි.
යුක්රේනයේ ආණ්ඩු පෙරළිය වෙතද ගූගල්හි සෘජු සහයෝගය හිමිවූ බව පවසන ෆ්යොදොරොව් යුක්රේන නිදහස් දිනයදා ගූගල් ලාංඡුනයද නිල් සහ කහ පැහැයෙන් වර්ණ ගැන්වූ බව සඳහන් කර තිබේ.
මේ අතර ගෝලීයකරණයේ ගැටළු පිළිබඳ ආයතනයේ මිහායිල් ඩෙල්යාගින්ද මෙම යෝජනාව වෙත සහය කළ කර ඇත.
ඔහු පවසා ඇත්තේ ගූගල් සමාගමේ ප්රධාන කොටස් හිමියා වන වැන්ගාර්ඞ් ව්‍යාපාර සමූහය මොන්සැන්ටෝ සමාගමේ හිමිකරුද වන අතර මොන්සැන්ටෝ සමාගමට අයත් මින් පෙර බ්ලැක්වෝටර් ලෙස හැඳින්වූ ඇකඩෙමි පුද්ගලික ආරක්ෂක හමුදාව කියෙව් පාලනයට පක්ෂපාතීව සටන් වදිමින් ඇති බවයි.
