මෙලෙස පැහැරගත් පිරිස අතරට දරුවන් හා කාන්තාවන්ද ඇතුළත් වන වන බව විදේශ මාධ්‍ය කියයි.
වසර කිහිපයක්‌ පුරා බොකෝහරාම් සටන්කාමීන් එල්ල කරන ප්‍රහාර නිසා නයිජීරියාවේ පුද්ගලයන් 15,000 ක් මරණයට පත්වී ඇති අතර මිලියන එකහමාරක්‌ අවතැන්වී ඇත.
මේ අතර නයිජීරියාව අසල පිහිටි කැමරූන් හමුදා ඒ. එෆ්. පී. මාධ්‍යයට සඳහන් කර ඇත්තේ තම ප්‍රධාන කඳවුරකට ප්‍රහාරයක් එල්ල කිරීමට පැමිණි නයිජීරියානු බෝකෝ හරාම් සටන්කාමීන් 116 දෙනෙක් ඝාතනය කළ බවයි.
මෙලෙස පුද්ගලයන් 185 ක් පැහැරගෙන ගොස්‌ ඇත්තේ ගම්සුරි ප්‍රදේශයේයි. මෙම සිද්ධීන්වල වගකීම කිසිදු කල්ලියක් භාරගෙන නොමැති වුවද එරට රජය මෙය බොකෝ හරාම් ත්‍රස්ත ක්‍රියාවක් ලෙස හඳුන්වා දී තිබේ.
අප්‍රිකාවේ වැඩියෙන්ම බොරතෙල් නිෂ්පාදනය කරන රාජ්‍යය හා විශාලතම ආර්ථිකය හිමි රාජ්‍යයක්‌ වන්නේ නයිජීරියාවයි.
