නැගෙනහිර චීනයේ, ෂැන්ඩොංග් පළාතේ අලූත උපන් දරුවන් 37 දෙනකු සහ වයස අවුරුදු 3ක ගැහැණු දරුවකු විශාල ප‍්‍රමාණයේ අත්බෑග් සහ සූට්කේස්වල අසුරාගෙන ප‍්‍රවාහනය කරමින් සිටි ජාවාරම්කරුවන් 103 දෙනෙකු පොලිස් අත්අඩංගුවට පත් විය.
ජාවාරම්කරුවන් පොලීසියට පවසා ඇත්තේ ගමන් මලූවල ක්ෂණික නූඞ්ල්ස් සහ එළවළු වර්ග අසුරා ඇති බවයි. එ් පිළිබඳ සැක සිතී පොලීසිය ගමන් මලූ පරීක්ෂා කර ඇත. ළදරුවන් සියලූ දෙනාම අයහපත් සෞඛ්‍ය තත්ත්වයේ පසු වන පොලීසිය පවසයි.
අලූත උපන් දරුවන්, මන්දපෝෂණයෙන් පීඩා විඳින දරුවන් හා එච්.අයි.වී එ්ඞ්ස් වෛරසය ශරීරගත වූ දරුවන් මෙසේ හොර රහසේ යුවාන් 50,000 සිට 80,000 දක්වා අතර මිලකට අලෙවි කරන බවට පොලීසියට තොරතුරු ලැබී ඇත. පිරිමි ළදරුවන් ගැහැණු දරුවන්ට වඩා මිලකට අලෙවි කිරීමට හැකි නිසා මිනිස් ජාවාරම්කරුවන් අතරේ පිරිමි දරුවන්ට වැඩි ඉල්ලූමක් පවතී. එමෙන්ම නිරෝගී දරුවන්ට ජාවාරම්කරුවන් අතර විශාල ඉල්ලූමක් පවතින බව වාර්තා වේ.
ළමා ජාවාරම මෑත කාලයේ සිට චීන රජය මුහුණ දෙන ප‍්‍රධානතම ගැටලූවකි. චීන ජනරජයේ නීතිය අනුව ළමා ජාවාරම්වල යෙදී හසුවන්නන් දස වසරක සිර ද`ඩුවමකට යටත් කරයිි. පසුගිය කාලයේ දහසකට අධික ළමා ජාවාරම්කරුවන්ට මෙසේ සිර දඬුවම් ලබා දී තිබේ.
නමුත් ළමා ජාවාරම්කරුවන් ඔවුන්ගේ ව්‍යාපාරය සාර්ථකව කරගැනීම සඳහා නවතම උපක‍්‍රම භාවිතා කිරීම පොලීසිය මුහුණ දී තිබෙන එක් ගැටලූවකි. කෙටි පණිවුඩ හා වෙබ් අඩවි ඔස්සේ දරුවන් අලෙවි කරන කණ්ඩායම් සහ ප‍්‍රසව හා නාරිවේද වෛද්‍යවරුන් චීනය පුරා සිටින බව එරට මහජන ආරක්ෂක අමාත්‍යාංශයේ අධ්‍යක්ෂකවරයෙක් පවසා තිබේ.
-rivira-
