මෙම අවස්තාව නැරඹීම සඳහා පිලිපීනයේ පවතින උණුසුම් කාලගුණ තත්වය නොතකමින් දැඩි හිරු රශ්මිය යටතේ සිය දහස් ගණනක් පිලිපීන ජාතිකයෝ මැනිලා නුවරට රැස්ව සිට ඇත.
එහිදී පිළිගැනීමේ ගීත ගායනා කෙරුණු අතර පාප් වහන්සේ වීදි සංචාරයේ යෙදුණු රථය දැක ගැනීමේ අපේක්ෂාවෙන් බොහෝ පිලිපීන ජාතිකයෝ වීදි දෙපස පෙළ ගැසී සිටියහ.
මේ අතර විදෙස් මාධ්‍ය පසුගියදා අනාවරණය කළේ පිලිපීනයේ මේ දිනවල වීදි දරුවන් කුදලාගෙන ගොස් ඔවුන් රැඳවුම් කදවුරු වල බලහත්කාරයෙන් රැඳවීමේ වැඩපිළිවෙළක් ක්‍රියාත්මක වෙමින් පවතින බවයි.
මෙහි අරමුණ පාප්වහන්සේ පැමිණීමට පෙර පිලිපීනය ‘පිරිසිදු‘කිරීම බව පැවසේ.
බළධාරීන්ගේ ගැහැට වලට වැඩි වශයෙන්ම මුහුණදීමට සිදුව ඇත්තේ පාප්වහන්සේ තම දේව මෙහෙය පැවැත්වීමට නියමිත මැනිලා නගරයේ වීදි දරුවන්ටය.
ප්‍රධාන දේවමෙහෙය පැවැත්වෙන මැනිලා නගරයට ලක්ෂ 60 කට ආසන්න ජනතාවක් රැස්වනු ඇතැයි අපේකෂිතය.
