එම ප්‍රහාරය හේතුවෙන් තිදෙනෙක් මියගොස් 246 දෙනෙක් තුවාල ලැබූහ. 21 හැවිරිදි සර්නායෙව්ට විරුද්ධව නඟා ඇති චෝදනා 30ටම ඔහු වැරැදිකරු බවට ඔප්පු වී තිබේ. එම චෝදනාවලින් 17ක් ම මරණිය දණ්ඩනය ලබාදිය හැකි චෝදනායි. මුල් තීන්දුව ලබා දුන් දිස්ත්‍රික් අධිකරණයම වැරැදිකරුට මරණීය දණ්ඩනය ලබාදිය යුතුද නැතහොත් ජීවිතාන්තය දක්වා සිර දඬුවම් ලබාදිය යුතුද යන්න පිළිබඳ සලකා බලමින් සිටින බව වාර්තා වේ.

තස්‌රනේව් වෙනුවෙන් පෙනී සිටි නීතිඥයන් කරුණු ඉදිරිපත් කරමින් ඔහු බෝම්බ ප්‍රහාරය එල්ල කළ බව පිළිගෙන ඇතත් එසේ කළේ සිය වැඩිමහල් සොයුරු 26 හැවිරිදි ටමලාන් ගේ ඉල්ලීම නිසා බවට තර්ක කර ඇත. ටමලාන් පොලිස් වෙඩි ප්‍රහාරයෙන් එතැනම මිය ගියේය.

පොලීසියෙන් බේරීමට පැන ගොස් බෝට්ටුවක සැඟවී සිටි අතර තස්‌රනේව් එහි සටහන් කර ඇත්තේ මුස්ලිම් බහුතරයක් වෙසෙන රටවල ඇමෙරිකාව සිදුකරන හමුදා මෙහෙයුම්වලට පළිගැනීමක් වශයෙන් බෝම්බ ප්‍රහාර එල්ල කළ බවයි.

තස්‌රනේව්ගේ මව පැවසුවේ ත්‍රස්‌තවාදීන් ඇමරිකාව බවත් තම පුත්‍රයන් වීරයන් බවත්ය. එසේම ඇය පවසන්නේ ඇමරිකාව විසින් මරාදැමුණු සෑම මිනිසෙකු සේම තමන්ගේ පුතුන් දෙදෙනාත් අහිංසකයන් බවයි.

චෙචෙන් ජාතිකයන් වන තස්‌රනේව් හා ඔහුගේ සොයුරා ප්‍රහාරය එල්ල කිරීමට දසකයකට පමණ පෙර රුසියාවෙන් ඇමෙරිකාවට සංක්‍රමණය වුවන් බව පැවසේ.