2013 වසරේදී සිදු වූ මෙම බෝම්බ ප්‍රහාරය සම්බන්ධයෙන් සැකපිට අත්අඩංගුවට ගැනීමෙන් පසුව ඊයේ ෆෙඩරල් අධිකරණයේදී ඔහුට මරණ දඬුවම හිමි වූ අවස්ථාවේ ඔහු මෙම ප්‍රකශය සිදු කර ඇත.
එම ප්‍රහාරයට සම්බන්ධ ඩිසොකාර්ගේ වැඩිමහල් සොහොයුරා 2013 වසරේදීම පොලිස් නිලධාරීන් සමග කළ වෙඩි හුවමාරුවකදී මිය ගොස් තිබේ.
බෝම්බ ප්‍රහාරය සඳහා සිය වැඩිමහල් සොහොයුරාට සහාය ලබා දීම මොහුට එල්ල වී ඇති චෝදනාවයි.
ඉකුත් අප්‍රේල් මාසයේ දී මේ සම්බන්ධයෙන් පුද්ගලයින් 12 දෙනෙකුගෙන් යුත් ෆෙඩරල් ජූරි සභාවක් ඉදිරියේ එම නඩුව විභාගයට ගැනුණි. එහිදි ඔවුන් 12 දෙනාම දින තුනක් තුළ පැය 14ක් පමණ සාකච්ඡා කරමින් ඒකමතිකව තීරණය කර තිබුණේ මොහුට මරණ දඬුවම ලබා දිය යුතු බවයි.
කෙසේ වෙතත් අධිකරණය ඉදිරිපිටට රැස්වූ පුද්ගලයන් කිහිප දෙනෙක් මෙම සැකකරුට මරණ දඬුවම ලබා නොදෙන ලෙස ද ඉල්ලීම් කර ඇති බව වාර්තා වේ. 2013 වසරේ සිදු වූ මෙම ප්‍රහාරයේදී පුද්ගලයන් තිදෙනෙකු මියගොස් තවත් පුද්ගලයන් 300කට අධික සංඛ්‍යාවක් තුවාල ලැබීය.
