ඒ නැ‍‍ඟෙනහිර ඇන්ග්ලියන් ගුවන් ගිලන් සේවාවේ නියමුවකු ලෙස සේවයට බැඳෙමිනි. ඔහු ලබන මස සිට ඊට අදාළ පුහුණුවීම් ඇරඹීමට නියමිතව ඇත.
අඩුම වශයෙන් පුහුණු කාල සිමාව වන මස 6ක් කාලයත් ඇතුළුව වසර 2ක කාලයක් වත් ඔහුට මෙම රැකියාවේ නිරතව වීමට සිදුවනු ඇත.
දිවා රාත්‍රී සේවාවට ද කැමැත්ත පළකර ඇති කුමරා අසාධ්‍ය තත්ත්වයේ පසුවන රෝගීන්ට සේවයක් කිරීම සමාජ සද්කාර්යයක් බව ද පවසා ඇත.
මෙය ඔහුගේ ප්‍රධාන ආදායම් මාර්ගය බව ද මහරැජිණ වෙනුවෙන් මීට අමතරව ඕනෑම සේවාවක් ඉටුකරන බව ද ඔහු තවදුරටත් පවසා තිබේ.
මේ අනුව බ්‍රිතාන්‍ය රජ පවුලේ ඔටුන්න හිමි කුමාරවරු අතරින් මාසික වේතනයක් ලබන සාමාන්‍ය රැකියාවක නිරත වන පළමු පුද්ගලයා බවටද ඔහු පත් වනු ඇත.
