ඊයේ අප විසින් මෙම ව්‍යවස්ථාව සම්බන්ධයෙන් හෙලිදරව් කිරීමක් සිදු කළ අතර එමඟින් එජාපය නිවට නියලු පක්ෂයක් බවට පත් වීමත් එජාප නායකයා තමන්ගේ නායකත්වය තව දුරටත් පවත්වාගෙන යෑම සඳහා මෙම පෙරමුණු ගැටය ගැසූ බවත් අප කරුණු කාරණා සහිතව හෙළිදරව් කළෙමු.
එම මතු කළ කාරණා සම්බන්ධයෙන් අද දින කෘත්‍යොධිකාරී මණ්ඩල රැස්වීම උණුසුම් වාදයක් බවට පත්ව තිබේ.
එජාපය අනෙකුත් පක්ෂ සමඟ සන්ධානයකට යෑම බහුතරයක් දෙනා අනුමත කළ නමුත් එම සන්ධාන ව්‍යවස්ථාව ප්‍රතික්ෂේප කරනු ලැබීය. මෙම පෙරමුණේ ව්‍යවස්ථාව අනුමත කරමින් රනිල්ගේ පාර්ශ්වය නියෝජනය කළේ 12 දෙනකු පමණය. ඉතිරි හටකට ආසන්න ප්‍රමාණය මෙම ව්‍යවස්ථාව ප්‍රතික්ෂේපකරනු ලැබ තිබේ.
මේ අනුව එම ව්‍යවස්ථාවට නව සංශෝධන හෙට දිනයේදී සාකච්ඡාවට ගැනීමේ එකඟතාවය මත මෙම රැස්වීම අවසන් වී තිබේ.
කෙසේ නමුත් එජාපය බරපතල අනතුරකින් අද දිනයේදී බේරී තිබේ. වඩා වැදගත් වන්නේ රනිල් වික්‍රමසිංහගේ ඒකාධිපති නායකත්වය තවදුරටත් තබාගෙන එජාපය විනාශ කර ගන්නවාද නැතිනම් එජාපය ශක්තිමත් කර රටේ බලය අත්පත්කර ගන්නවාද යන කාරනා දෙක ගැන සාකච්ඡාවකි. එළඹෙන ජනධිපතිවරණය ජය ගැනිමට නම් එජාපය සෙසු පක්ෂ කණ්ඩායම් සමඟ සන්ධානයකට යෑම විය යුතුව තිබේ. එජාපයට තනිව තරගකර ලැබිය හැකි ජයග්‍රහණයක් නැති බව පැහැදිලි කාරණාවකි.
එහෙත් ඒ මුවාවෙන් රනිල් සහ කල්ලියේ පෞද්ගලික දේශපාලන අපේක්ෂාවන් වෙනුවෙන් මෙම සන්ධානය යොදා ගැනීමට කටයුතුකර තිබීම ලැජ්ජා සහගත කරුණකි. පක්ෂය ගත යුතු තීන්දු තීරණ වෙනත් පිටස්තර කණ්ඩායමක් අතට පත්කර එමඟින් තමන්ගේ පැවැත්ම තහවුරු කර ගැනිමට කල්පනා කරන දේශපාලන පක්ෂ නායකු වේ නම් එහි සරළම තේරුම ඔහුගේ නායකත්වය පක්ෂය විසින් ප්‍රතික්ෂේප කරන බවය.
එමෙන්ම මෙම නව පෙරමුණේ ලේකම් ධුරය එජාපයෙන් පිටස්තරයකුට යෑම වැලක්විය යුතු බවට දැඩි මතයක් ප්‍රකාශයට පත් වූ අතර මෙහිදී එම වගකීම තමා බාර ගැනීමට කැමති බව සජිත් ප්‍රේමදාස සිය කැමැත්ත ප්‍රකාශ කර තිබිණි. මේ සජිත් ප්‍රේමදාස, රනිල් ඇතුළු කල්ලිය වෙත එල්ල කරන ලද මලිටි බැරල් ප්‍රහාරයක් බව ද පැහැදිලිය.
සැබැඳි පුවත්:
රනිල් සදාකාලික නායකයා කරන අලුත් පෙරමුණ ගැන තව දුරටත්..
රනිල් එජාපයට ද්‍රෝහී වෙයි.. පක්ෂයේ තීන්දු ගැනීමේ බලය පිටස්තරයන්ට..හෙට ගිවිසුම අනුමතයි !
මටත් ජනපති වීමේ සිහිනයක් තියෙනවා..නමුත් ජනතාව ඉල්ලන්නේ සජිත්ව - මංගල
ගෝඨා නැතුවත් බෑ.. සජිත් නැතුවත් බෑ.. දෙපිළටම වෙන විකල්පත් නෑ
එජාප ජනපති අපේක්ෂකයා සජිත් ! මන්ත්‍රී කණ්ඩායම තීරණයක් ගනී !! කූජිත කල්ලිය පරාජය බාරගනී.
රනිල්ට බැරි වුණොත් රාජිත ජනාධිපතිවරණයට. ස්වර්ණවාහිණියත් ඒ පැත්තට
