සජිත් ප්‍රේමදාස මහතාට නියෝජ්‍ය නායකකම දී එජාපයේ සමගිය රටට පෙන්වන ලෙස ආණ්ඩුවෙන් විපක්ෂයට එක්වීමට සිටින මැති ඇමතිවරුන් පිරිසක් මංගල සමරවීර මහතා හරහා එජාප නායකත්වය වෙත දැනුම් දී  ඇත. එම සාකච්ජාවලට මලික් සමරවික්‍රම මහතාද එම සාකච්ජාවලට සහභාගිවී තිබේ.

මාළුලුවාවේ සෝභිත හිමියන්ද මලික් සමරවික්‍රම හරහා මෙම ඉල්ලීම වික්‍රමසිංහ මහතා වෙත ඉදිරිපත් කර ඇත. 


කොහොමද ටිකිරි මොලේ !

ඒ අනුව, මලික් සමරවික්‍රම මහතාට සජිත්ට පක්ෂවත්, මංගල සමරවීර මහතාට සජිත්ට විරුද්ධවත් පක්ෂයේ ප්‍රධානින් ඉදිරියේ හැසිරෙන ලෙස රනිල් වික්‍රමසිංහ මහතා උපදෙස්දී තිබේ.

මෙලෙස කටයුතු  කිරීම හරහා ආණ්ඩුවේ බුද්ධි අංශ නොමඟ යැවීමටත්, සජිත්ගේ ඉල්ලිම් සම්බන්ධයෙන් හෙට්ටු කිරීමටත් අවස්ථාව ලැබෙන බව වික්‍රමසිංහ මහතාගේ අදහසවී ඇත. 

ඒ අනුව නියෝජ්‍ය නායක ධුරය සමග බලතල ඉල්ලාගෙන පැමිණියහොත් විරුද්ධ වන්නැයි වික්‍රමසිංහ මහතා, මංගල සමරවීර මහතාට උපදෙස් දී ඇතැයි ඉහත ආරංචිමාර්ග වැඩිදුරටත් පවසයි. 

'රනිල්, සජිත්ට අන්දන්නයි හදන්නේ' 

මේ අතර,  ජාතික නිදහස් පෙරමුණ පවසන්නේ, රනිල් වික‍්‍රමසිංහ මහතා විසින් එජාප නියෝජ්‍ය නායක ධුරය සජිත් පේ‍්‍රමදාස මහතාට යළි ලබා දීමට උත්සාහ කරන්නේ එළැඹෙණ ජනාධිපතිවරණයට තරඟ වැදීම සඳහා ඔහුගේ සහය ලබා ගැනීමේ උපායක් ලෙස බවයි.

කොළඹ දී මාධ්‍ය  අමතමින් එම පක්‍ෂ මාධ්‍ය ප‍්‍රකාශක, හිටපු පාර්ලිමේන්තු මන්ත‍්‍රී මොහොමඞ් මුසම්මිල් මහතා එබව  සඳහන් කළේය.