එම සම්මන්ත්‍රණයට එන බවට නම් සඳහන් වූ එක්සත් ජාතික පක්‌ෂ නායකත්ව මණ්ඩලයේ සභාපති පාර්ලිමේන්තු මන්ත්‍රී කරු ජයසූරිය සහ පාර්ලිමේන්තු මන්ත්‍රී අධිනීතිඥ ලක්‌ෂ්මන් කිරිඇල්ල යන මහත්වරු දෙදෙනා ඊට සහභාගි නොවිම ඊට හේතුවයි.
මාදුළුවාවේ සෝභිත නාහිමියන් සම්මන්ත්‍රණය අමතන අවස්‌ථාවේ එජාපය ඇතුළු විපක්‌ෂයේ පිරිස්‌ අතරින් බොහෝ දෙනකු පිටව ගොස් ඇත.
මේ සම්බන්ධයෙන් 'ලංකා ඩේලි' කල විමසීමකදී එජාප නායකත්ව මණ්ඩලයේ සභාපති කරු ජයසුරිය මහතා කියා සිටියේ, සාධාරණ සමාජයක්‌ සඳහා වූ ජාතික ව්‍යාපාරය සමග ඇතිකර ගත් එකඟත්වයක් මත එම සම්මන්ත්‍රණයට නොගිය බවයි.
කෙසේවුවද මෙම සම්මන්ත්‍රණය ඇමතු සාධාරණ සමාජයක්‌ සඳහා වූ ජාතික ව්‍යාපාරයේ සභාපති මාදුළුවාවේ සෝභිත හිමියන් පැවසුයේ, මේ රටේ යහපාලනයට පිළිලයක්‌ වී තිබෙන විධායක ජනාධිපති ක්‍රමය අහෝසි කිරීමට අවස්‌ථාව ලැබී තිබෙන එකම ජනනායකයා මහින්ද රාජපක්‍ෂ මහතා බවයි.
පාර්ලිමේන්තුවේ තුනෙන් දෙකේ බලය ලැබී තිබෙන ජනාධිපති මහින්ද රාජපක්‍ෂ මහතාට මේ පිළිලය තුරන් කළ හැකි යැයි උන්වහන්සේ පැවසුහ.
