මෙම ඝාතන සිද්ධිය සම්බන්ධයෙන් අනුරාධපුර මහාධිකරණය හමුවේ එල්.ටී.ටී.ඊ සාමාජිකයින් දෙදෙනෙකුට එරෙහිව අධිචෝදනා ගොනු කර තිබුණි.

නඩුවේ පළමු විත්තිකරු අධිකරණය හමුවේ කියාසිටියේ තමන් මෙම චෝදනාවලට නිවැරදිකරු බවයි. ඒ අනුව ඔහු ලබන 3 වනදා දක්වා යළි  බන්ධනාගාර ගත කෙරුණු අතර එදිනට යළි නඩු විභාගය සිදු කිරීමට නියමිතය.

අදාළ නඩුව පසුගිය 22දා මහාධිකරණ විනිසුරු සුනන්ද කුමාර රත්නායක මහතා ඉදිරියේ කැඳවනු ලැබු අවස්ථාවේ එල්.ටී.ටී.ඊ සංවිධානයේ කර්නල්වරයෙක් වශයෙන් කටයුතු කළ දෙවැනි විත්තිකරු මෙලෙස වරද පි‍ළිගෙන තිබුණි.

ඒ අනුව විත්තිකරුට දඩුවම් නියම කිරීම අදට (05) සිදුකරන බව මහාධිකරණ විනිසුරුවරයා එදින දැනුම් දුන්නේය.

ඒ වනතුරු විත්තිකරු රක්ෂිත බන්ධනාගාර ගත කරන ලෙස මහාධිකරණ විනිසුරුවරයා නියෝග කරන ලදී.

2008 වසරේ අනුරාධපුරයේ දී එල්ල වූ මරාගෙන මැරෙන බෝම්බ ප්‍රහාරයකින් මේජර් ජනරාල් ජානක පෙරේරා මහතා ඇතුළු 29 දෙනෙකු ජීවිතක්ෂයට පත්වුණි.

අනුරාධපුර මහාධිකරණයේ දී විභාග වන මෙම නඩුව සඳහා අධිකරණ සේවා කොමිෂන් සභාව මගින් වයඹ පළාත්බද මහාධිකරණ විනිසුරු සුනන්ද කුමාර රත්නායක මහතා පත් කර ඇත.