නිමල් සිරිපාල ඇමතිවරයා පෙරේදා  (11) පාර්ලිමේන්තුවේදී මේ සම්බන්ධ ලේඛනයක් කියවීය. එහිදී ඇමතිවරයා සඳහන් කළේ දස පුද්ගල ශ්‍රේෂ්ඨාධිකරන විනිසුරු මණ්ඩලය ඒකමතිකව මෙම මතය ප්‍රකාශ කර ඇති බවය. 

විරුද්ධ පක්ෂ මන්ත්‍රීවරුන් අවධාරණය කර සිටියේ එම ලේඛනය සභා ගත කළ යුතු බවය. මේ දක්වා එය ඉටු කර නැත.

විනිසුරුවරුන් දසදෙනාම ඒකමතිකව මෙම මතය ප්‍රකාශ කළ බව පිළිගත නොහැකියැයි නීතික්ෂේත්‍රයේ දැඩි කතාබහකට ලක්වී ති‍බේ. 

එමෙන්ම ශ්‍රේෂ්ඨාධිකරණයේ මෙම මතය හෝ වනත් කිසියම් කරුණක් සම්බන්ධයෙන් හෝ ලබාදෙන තීන්දුවක් අධිකරණය කෙරෙහි නිසි ගෞරව දක්වමින් විවේචනය කිරී‍මේ සම්පූර්ණ අයිතිය පුරවැසියන්ට හිමි බව නීතිවේදීහු පෙන්වා දෙති.

ජනතා විමුක්ති පෙරමුණ ඊයේ පැවැත්වූ ප්‍රවෘත්ති සාකච්ඡාවකදී ශ්‍රේෂ්ඨාධිකරණයේ මෙම මතය පිළි නොගන්නා බව ප්‍රකාශ කළේය.