ආම් අදාමි පක්ෂය දිල්ලි ප්‍රාන්ත මැතිවරණයේදී භාරතීය ජනතා පක්ෂය අතුගා දැමීමට සමත්ව ඇත්තේ අගමැති නරේන්ද්‍ර මෝදි වෙත බලවත් පසුබැස්මක් ලබාදෙමිනි.
කෙසේ වෙතත්, පරාජයන් පසුව ආම් පක්ෂ නායකයා වෙත සුබ පැතීමට මෝදි අමතක කර නොමැත. නමුදු 2014 මහ මැතිවරණයෙන් පසුව මෝදිගේ ජනප්‍රියත්වය උරගා බැලූ දිල්ලි මැතිවරණයේදී ලැබූ මේ දැවැන්ත පරාජය කිසි ලෙසකින්මත් නොසලකා හැරිය නොහැකි එක්ක බව දේශපාලන විචාරකයෝ පවසති.
මීට පෙරද දිල්ලි ප්‍රාන්ත මැතිවරණය ජයග්‍රහණය කළ අර්වින්ද් දූෂණ විරෝධී පනත සම්බන්ධ ගැටලුවක් හේතුවෙන් සිය ප්‍රධාන අමාත්‍ය ධුරයෙන් ඉල්ලා අස්විය. නමුත්, ඔහු මෙවර පෙරටත් වඩා සිය ජනප්‍රියත්වය වැඩි කරගෙන ඇති බව ඉන්දීය මාධ්‍ය පවසයි.
