ඒ අනුව කොල්ලුපිටියේ රේණුකා ගොඩනැගිල්ලෙන් කුලී පදනම යටතේ ලබා ගත් කාර්යාලයකට විජේවර්ධන මහතා හා ඔහුගේ කාර්ය මණ්ඩලය ලබන සතියේදී ගෙවැදීම සිදුවනු ඇත.
කෙසේ නමුත් ආරක්ෂක රාජ්‍ය අමාත්‍යවරයාට එම අමාත්‍යංශය යටතේ වන ආයතන 14 න් වගකීමක් පැවැරී ඇත්තේ ආයතන 4 ක පමණය. අනෙක් ආයතන 10 හි වගකීම ජනාධිපති මෛත්‍රීපාල සිරිසේන මහතා යටතට පත්කර ඇත. ඒ අනුව රුවන් විජේවර්ධන මහතාට අයත් වන්නේ ආරක්ෂක සේවා පාසල ,ආරක්ෂක සේවා අණ හා මාණ්ඩලික විද්‍යාලය, රණවිරු සේවා අධිකාරිය සහ ජාතික ශිෂ්‍ය භට බලකාය පමණි.
ආරක්ෂක රාජ්‍ය අමාත්‍ය ධූරයට රුවන් විජේවර්ධන මහතාව පත් කරන ලද්දේ අගමැති රනිල් වික්‍රමසිංහ මහතා වන අතර රුවන් විජේවර්ධන මහතා රනිල් වික්‍රමසිංහ මහතාගේ මස්සිනාද වෙයි.
පසුගිය පාලන සමයේදී ආරක්ෂක අමාත්‍යංශය යටතේ ආයතන 19 ක් පවැතිනි.
