විශේෂයෙන්ම අපරාධ පරීක්ෂණ දෙපාර්තමේන්තුවේ කටයුතු කණ්ඩායමක දේශපාලන වුවමනාවන් හා සමගාමිව ක්‍රියාත්මක වන බව පෙනෙන්නට තිබෙන බවත් පසුගිය දිනවල එම දෙපාර්තමේන්තුවේ ක්‍රියා කරිත්වය ගැන සැක සහිත අවස්ථා කිහිපයක්ම දකින්නට තිබුණු බවත් ඔවුන් පෙන්වා දෙති.
විමල් වීරවංශ මහතාගේ බිරිඳ සම්බන්ධ කරණයේදී හා පෙර‍ටුගාමී පක්ෂයේ නායක කුමාර් ගුණරත්නම් සම්බන්ධ කාරණයේදී මෙන්ම තවත් සිදුවීම් කිහිපයකදී දේශපාලන මැදිහත් වීමක් සම්බන්ධයෙන් තොරතුරු වාර්තා වී ඇති බවත් ඔවුහූ පවසයි.
ඇතැම් පුද්ගලයන් විසින් පෞද්ගලික වුවමනාවන් මත ලබා දෙන ව්‍යාජ තොරතුරු මතද රහස් පොලීසිය වගවිභාගයක් නොමැතිව විමර්ශන පැවත්වීමටද කටයුතු කර ඇති බවත් දැන ගැනීමට ඇත.
එමෙන්ම පසුගියදා විමල් වීරවංශ මහතාගේ නිවසට මෙන්ම පාර්ලිමේන්තු මන්ත්‍රී අජිත් කුමාර මහතාගේ කාර්යාලයට පැමිණි පොලිස් නිලධාරීන් කවුරුද යන්න ගැනද බරපතල සැකයක් ඇතිව තිබේ. පොලිස් මධ්‍ය ප්‍රකාශක වරයා මෙම අවස්ථා දෙකටම පොලිස් දෙපාර්තමේන්තුවේ නිලධාරීන් මැදිහත් නොවුනු බව පවසා ඇත.
එමෙන්ම ඇවන්ගාර්ඩ් පාවෙන නැව සම්බන්ධයෙන්ද රහස් පොලීසියේ ක්‍රියා කාරිත්වය යම් ප‍ටු දෙශපාලනික වුවමනාවක් මත කෙරෙන බව පැහැදිලි බවත් දේශපාලන නිරීක්ෂකයන්ගේ මතය වී තිබේ.
