බ්‍රිතාන්‍ය දෙමළ සංසදය හා දෙමළ පාර්ලිමේන්තු මන්ත්‍රී කණ්ඩායම ( British Tamils Forum , The All Party Parliamentary Group for Tamils) මෙලෙස ජනාධිපතිවරයා සමඟ සාකච්ඡා කරනු ඇත.
මීට පෙර හිටපු ජනධිපති මහින්ද රාජපක්ෂ මහතා ගේ බ්‍රිත්‍ය සංචාරයන්හීදී දෙමළ ඩයස්පොරා නියෝජිතයන් ඔහු සමඟ සාකච්ඡා කිරීම සාඳහ උත්සහ ගත්තද ඔහු ඒ මඟ හැරියේය. එහි ප්‍රතිපළයක් ලෙස ඔහුට එරෙහිව විරෝධතා ද පැණ නැඟුනු අතර එම සංචාරයන් හී සංවිධානය කර තිබු ඇතැම් සම්මන්ත්‍රණයක් පවා අවලංගු කිරීමට හිටපු ජනාධිපතිවරයාට සිදුවිය. එහෙත් ඔහු විසින් තෝරා ගන්නා ලද ඩයස්පොරා නියෝජිතයන් සමඟ රහසිගත සම්බන්ධතා පැවැත්වූ බවට චෝදනා එල්ල වී තිබේ.ඔහුගේ ඇමරිකානු සංචාරයේදී එවැනි නියෝජිතයන් සමඟ රහසිගත් සාකච්ඡාවක් පැවැති බව එවකට විපක්ෂ නායක රනිල් වික්‍රමසිංහ මහතා හෙළි කළ අතර ඒ හැකි නම් අසත්‍යක් බව ප්‍රකාශ කරන ලෙස ඔහු අභියෝගයක්ද කළේය.
මෛත්‍රීපාල සිරිසේන මහතාට එරෙහිවද දෙමළ ඩයස්පොරා කොටස් විරෝධය පළ කිරීම සඳහා පසුගිය දින කිහිපයේදී උත්සහ ගත්තද ඒ සාර්ථක වී නොමැති බවත් වාර්තාවේ.
පොදු රාජ්‍ය මණ්ඩලීය සභාපතිවරයා ලෙස ඔහු හෙට දිනයේදී එම සැමරුම් උත්සව සභාව ඇමැතීමට නියමිතය.
