දෙමළ ජාතික සන්ධානය පාර්ලිමේන්තු මන්ත‍්‍රීවරුන් කණ්ඩායමක් ඊයේ (29) වැනි දා ඇමැති ජෝන් අමරතුංග මහතා හමුවී මෙම ඉල්ලීම කර තිබේ. උතුරේ මාධ්‍යවේදීන්ට දිනෙන් දින බලපෑම් හා හිරිහැර වැඩිවෙමින් පවතින බවත් ඒ නිසා ඔවුන් දැඩි පීඩනයකට ලක්ව ඇති බවත් දෙමළ ජාතික සන්ධානය තවදුරටත් පෙන්වා දී ඇත.
යාපනයේ මාධ්‍යවේදීන් තිදෙනකුට මරණ තර්ජන සිදුව ඇති බවත් තවත් දෙදෙනකු පොලිසිය විසින් අත්අඩංගුවට ගෙන තිබෙන බවත් මේවා වැළැක්වීමට කඩිනමින් පියවර ගන්නා ලෙස ඔවුන් තවදුරටත් ඉල්ලා තිබේ.
මෙහිදී ජෝන් අමරතුංග මහතා පවසා ඇත්තේ මාධ්‍යවේදීන්ට සිදුව ඇති බලපෑම් හා හිරිහැර පිළිබඳ සොයාබලන බවත් ඒ පිළිබඳ කඩිනමින් පියවර ගන්නා බවත් ය.
මෙම හමුවට දෙමළ ජාතික සන්ධානයේ පාර්ලිමේන්තු මන්තී‍්‍රවරුන් වන සුරේෂ් පේ‍්‍රමචන්ද්‍රන්, සෙල්වම් අඩෙයිකලනාදන් හා ඊ. සරවනභවන් යන අය සහභාගි වී තිබේ.
rivira
