මේ නිසා හේතුව අද්භූතය. ඔවුන් දූෂිතයන් බව කියන්නේ ජනතාවය. ඒ නිසා ඔවුන්ට නාම යෝජනා ලබා නොදුන්නා යැයි ජනතාව සිතයි. එහි අනෙක් තේරුම සන්ධානය මෙවර සුපිරිසිඳු පිරිසක් මැතිවරණය ඉදිරිපත් කර ඇති බව ජනතාව කල්පනා කළ යුතුය කියන එකය.
එහෙත් අප දන්න පරිදී තවත් දූෂිතයන් රොත්තක්ම සන්ධාන ලැයිස්තුවේ සිටිති. ඒ අතර ප්‍රධානියා මහින්ද රාජපක්ෂය. දැවැන්ත දූෂණ වංචා ප්‍රමණයක් ගැන තොරතුරු සාක්ෂි සහිතව හෙළිදරව් කර තිබුණද ඔහුට එරෙහිව නීතියේ එක අකුරක් ක්‍රියාත්මක වූයේ නැත. සමහර විට ජනාධිපතිවරයා කොහෙදෝ තැනක කීවාක් මෙන් නොදන්න යකා එක්ක වැඩ කරනවාට වඩා දන්න යකා එක්ක වැඩ කරනවා ඔහුට ලෙහෙසි නිසා රාජපක්ෂව ලංකර ගැනීම වෙනුවෙන් ඔහුගේ මයිලක තරම් දෙයකට හානියක් නොවන්නට වග බලා ගත්තා විය හැකිය. ජනාධිපතිවරයාම පසුව තවත් තැනක කීවේ භූතයා එළියේ ඉන්නවාට වඩා බෝතලයක දමා ගෙන සිටීම යෙහෙකැයි කියාය. ඒ කතාවට අනුව නම් පෙරදා මහින්ද රාජපක්ෂ ෆයිල් අතේ තියාගෙන කට්ටියගෙන් වැඩ ගත්තාකාරයට වැඩ කිරීමට ජනාධිපතිවරයා කල්පනා කළාද විය හැකිය.
ඒ අර්තයෙන්ම දුමින්දලාට සජින්න්ලාට දූෂණ අපරාධ චෝදනා එල්ල වූයේ මහින්ද රාජපක්ෂ යුගයේදීය. එදා ඔවුන්ට එරෙහිව කිසිවක් රාජපක්ෂලා කළේ නැත. මේ නිසා සුසිල් ප්‍රෙමජයන්තට වුව දුමින්දලා දූෂිතයන් යැයි කටක් ඇර කියන්නට නොහැකි වීමේ සාධාරණයක්ද තිබේ. උන් දූෂිතයන් යැයි කීවොත් , ඇයි බොල උන් ඒවා කරනකම් තොපි බලාගෙන හිටියේ දැයි ? කවුරුන් හෝ ඇසුවොත් සුසිල්ලාට දෙන්න උත්තර නැත. ඒ නිසා, ඒවා නාමයෝජනා මණ්ඩලයේ වැඩ කියා ප්‍රශ්නයෙන් ලිස්සා යැම හැර මේ තක්කඩියන්ට වෙන උත්තර නැත.
දුමින්දලා සජින්ලා දූෂිතයන් ලෙස සමාජය ගසා තිබෙන හංවඩුවෙන් මෙවර මැතිවරණය ගොඩ දා ගැනීමට මහින්දාලා කල්පනා කළද ඔවුන් දූෂිතයන් යැයි මහින්දට කියන්නට බැරිය.
මේ නිසා දැන් සමාජය මහින්දලාගෙන් සුසිල්ලාගෙන් ප්‍රශ්න කළ යුතුවන්නේ මුන්ට නාම යෝජනා නොදුන්නේ මන්ද කියාය. දුමින්ද සිල්වා දහස් ගනනක් රැගෙන පැමිණ උද්ඝෝෂණය කරන විට මහින්දට කට යුත්තර නැති වීම පැහැදිලිය.එහි ප්‍රතිපලය උන්ට නාම යෝජන ලබා නොදී අපි පිරිසිඳුයි කියා අත්පත් කර ගැනීමට සිතූ ජග්‍රහනය වෙනුවට ලැබෙන තිබෙන ඡන්ද ටිකත් නැති වීමය.
