මෙයට හේතුව වී ඇත්තේ තමන් දිනුවත් පාර්ලිමේන්තුවේ පසුපෙළ මන්ත්‍රීවරයකු වී සිටීම හෝ දේශපාලනයෙන් විශ්‍රාම ගැනීමට හෝ සිදුව තිබීම නිසාය. එමෙන්ම මේවන විට මහින්ද රාජපක්ෂ පවුලේ සමාජිකයන්ට එරෙහිව එල්ල වී තිබෙන චෝදනා ඉතා බරපතල වීමෙන්, රාජපක්ෂ මහතාට ජනාධිපතිවරයා ට යටත්ව සිටීම සිදුව තිබේ. එමෙන්ම කුරුණැගල දිස්ත්‍රික්කයේ බලාපොරොත්තු වූ ජයග්‍රහණය අත්පත් කර ගැනීමට නොහැකි වාතාවරණයක් උදා වී ඇතැයිද දැන ගන්නට තිබේ. මේ හෙතුවෙන් සන්ධානය ජනාධිපතිවරයාගේ රූපය පාවිච්චි කරමින් කුරුණෑගල මැතිවරණ ව්‍යපාරය දියත් කරයි.
මේ අතර හම්බන්තොට දිස්ත්‍රික්කයෙන් නාමල් රාජපක්ශට මන්ත්‍රීධුරයක් හෝ හිමිකර ගැනීමට නොහැකි තරමට ඔහුගේ ජනප්‍රියත්වය හීන වී ඇතැයි එම පවුලේම සමීප ආරංචි මාර්ග පවසයි. මේ හේතුව නිසා මහින්ද රාජපක්ෂ ඔහුගේ මැතිවරණ ව්‍යාපාරයට සහය දීම සඳහා මැදමුලන ගෙදරට ගියද මේවන විට ඊට ප්‍රමාණවත් කාලයක් නැතැයි රාජපක්ෂ මහතාම පුත්‍රයාට දැනුම් දී තිබේ. කෙසේ නමුත් රාජපක්ෂ පවුලේ අයියා මලෝ සියළු දෙනාම මේවන විට කුඩා ජනහමු පවත්වමින් නාමල්ව දිනවන ලෙස ඡන්ද දායකයන්ට ආයාචනා කරමින් සිටී. නාමල්ට විශාලම අභියෝගය වී ඇත්තේ චමල් රාජපක්ෂ මහතා විසින් නාමල්ට එරෙහිව ගෙන යන ප්‍රචාරක ව්‍යාපාරයබවද දැන ගැනීමට ඇත.
සැබැඳි පුවත් : හම්බන්තොට රාජපක්ෂලා පරදා චානක උඩ ඒවිදැයි සැකයක්
මහින්දට හම්බන්තොට මළ වෙයි. ගිය පයින් ආපසු එයි.
පී.ඩී.පෙරේරාගේ අනාවැකියෙන් සන්ධානය නොසන්සුන්
