ඇමැති මණ්ඩලයට සන්ධානයේ නියෝජිතයන් පත් කිරීම සම්බන්ධයෙන් බරපතල චෝදනා එල්ලා වීම සාධාරනය. එහෙත් ජනාධිපතිවරයාට සන්ධානය කෙසේ වෙතත් ශ්‍රී ලනීපය දෙකට කැඩීම වලක්වා ගැනීමේ අභියෝගය දරුණුවට තිබේ. මෙම ඇමැති මණ්ඩලයට නියෝජිතයන් නම් කිරීමේදී ඒ බව ඉතා පැහැදිලිව පෙනේ. එක්සත් ජාතික පක්ෂයේ ඇමැති කට්‍ටුව දෙස බැලුවද රනිල් වික්‍රමසිංහ මහතාද තමන්ගේ නායකත්වයට අභියෝගයක් විය හැකි පිලිකා කාරකයන් ඈත් කිරීමට කටයුතු කර තිබෙන බව පෙනේ.
ජනාධිපතිවරයා මේවන විටත් බොහෝ තත්වයන් පාලනය කිරීමට සමත්ව තිබෙන බවත් පැහැදිලිය. එහෙත් ජනතාව මේ දෙස බලන්නේ ඔවුන්ගේ පැත්තෙන් බවත් ඔවුන්ව පිනවන ආකාරයේ තීන්දු තීරණද අවශ්‍ය බවත් ජනාධිපතිවරයා තේරුම් ගත යුතුය. මෙහිදී විවිධ චෝදනා ලැබූවන්ට ඇමැතිකම් දීම ගැන ජනතාවගේ පැත්තෙත් මීට වඩා සිතුවා නම් ජනාධිපතිවරයා පතන නැතිනම් ජනතාව ඉදිරියේ සපත කළ යහපාලනය ගැන බලාපොරොත්තු තවදුරටත් දල්වා ගැනීමට ජනතාවට හැකියාවක් තිබිණි.
එහෙත් දැන් තත්වය අවුල් වී තිබේ. කිසිවකිත් මේ ඇමැති මණ්ඩලය පිළිගන්නේ නැත. එනම් මේ පාලනයද පිළි නොගන්නවා බවය.
අවසන් වශයෙන් අපටද පාලකයනට කියන්න ඇත්තේ හෙට දවසේදී මේ පාලනය එරෙහිව වන බොහෝ ජනතා අරගල වලට මුහුණ දීමට සූදානමින් සිටින ලෙසය.
