ජනතා විමුක්ති පෙරමුණට පෙර‍ටුගාමී පක්ෂයෙන් එල්ල වී තිබු තර්ජනය නිසා අනුර කුමාර, ගොඨාබය රාජපක්ෂ ලවා එම ව්‍යාපාරය මර්දනය කිරීමට සහය ලබා ගෙන තිබෙන බව මෙම ප්‍රකාශයෙන් පැහැදිලිවේ. එදා ගුණරත්නම් මහතාව අත් අඩංගුවට ගනු ලැබුවේ නිල පොලිස් හෝ හමුදා ක්‍රියාන්විතයක් අනුව නොවේ, පැහැර ගැනීමක් ලෙසය. එම පැහැර ගැනීමත් සමඟ ආණ්ඩුවට එල්ල වූ දේශීය හා විදේශීය බලපෑම් හමුවේ ගුණරත්නම් මහතාව දින කිහිපයකින් නිදහස් කිරීමට සිදු වූ අතර එය සිදු කරනු ලැබුවේද දෙමටගොඩ පොලීසිය අසලට හොර රහසේ ගෙනවිත් දැමීමෙනි.
ඔහුව මෙලෙස අත්අඩංගුවට ගත් බව එදා ගොඨාභය රාජපක්ෂ පිලිගත්තේද නැත. යම් හෙයකින් ආණ්ඩුවට, ගුණරත්නම්ව නිදහස් කරන ලෙස එල්ල වූ බලපෑම් දුර්වල වූයේනම් ගුණරත්නම්ගේ නමත්, එම පක්ෂයේ ක්‍රියාකාරීන් වූ ලලිත් හා කුගන් මෙන් අතුරුදන් වූවන්ගේ ලැයිස්තුවේ සඳහන්ව තිබෙනු ඇත.
එහෙම කෙනෙක් අපේ පක්ෂයේ හිටියේ නෑ කියා අනුර කුමාරලා අද කියන නරුම කතාව එහෙනම් ඉතා පහසුවෙන් කිව හැකිව තිබිණි. අනුරලාට අවශ්‍ය වූයේ ඒ නමත් රූපයත් භෞතික ශරීරයත් විනාශ කර දමා තමන්ගේ කාලකණ්නි ම්ලේච්ඡ දේශපාලනය පහසුවෙන් කරගෙන යාමටය.
කෙසේ නමුත් වත්මන් ජනතා විමුක්ති පෙරමුණේ නායකයන් හා එම ව්‍යාපාරය විසින් සිදුකරනු ලැබූ දුෂණ, වංචා, අපරාධ, ව්‍යපාරික ගනු දෙනු, ව්‍යාපාරික ආයෝජන( දේශිය හා විදේශිය), ජාවාරම්කාර ව්‍යාපාරිකයන් සමඟ කළ ගනුදෙනු.... ආදී තොරතුරු රැසක් මේ වන විට වත්මන් ආණ්ඩුවේ ඉහල පෙළේ නායකයකු සතුව ඇති බවත් අපවෙත තොරතුරු ලැබී තිබේ.
සැබැඳි පුවත් : ගුණරත්නම්ව අත් අඩංගුවට ගැනීම අනුරගේ ඉල්ලීමක් !
