මේ වන විට මෙම ඝාතනය සම්බන්ධයෙන් යුධ හමුදා බුද්ධි අංශයේ කණ්ඩායම් තුනක්වත් වෙන වෙනම යොදවා ඇති බව අනාවරණය වී ඇති අතර එම තොරතුරු පසුගිය සතියේදී ගල්කිස්ස මහෙස්ත්‍රාත්වරයා හමුවේ අපාරාධ පරීක්ෂණ දෙපාර්තාමෙන්තුව කරුණු දක්වා තිබිණි. මෙම ඝාතනයේ මෙහෙයුම් කරුවා මේජර් අන්සාර් නැමැත්තෙකු බව හඳුනාගෙන් ඇතත් අණ දුන් අය මෙතෙක් අනාවරණය වී නැත.
දිවයින හා රිවිර පුවත් පත් හි ප්‍රධාන කතෘවරයාව සිටි උපාලි තෙන්නකොන් මහතාට පහර දී තුවාල සිදුකර ඇත්තේද ලසන්ත වික්‍රමතුංග මහතාව ඝාතනය කිරීමේ මෙහෙයුම්කරුවා වූ යුධ හමුදා බුද්ධි අංශ මේජර් වරයාම බව මේ වන විට අනාවරණය කර ගැනීමට අපරාධ පරීක්ෂණ දෙපාර්තමෙන්තුව සමත් වී ඇති බව එම ආරංචි මාර්ග සදහන් කරයි.
උපාලි තෙන්නකෝන් මහතා හා ද නේෂන් පුවත් පතෙ හිටපු ජෙෂ්ඨ මාධ්‍යෙව්දී කීත් නොයර් මහතාට පහර දුන් කණ්ඩායම ලසන්ත ඝාතනයේ සැකකරුවන් බව මීට පෙර අනාවරණය වී තිබූ නමුත් නිශ්චිත පුද්ගලයන් කවුරුන්ද යන්න අනාවරණය වී නොතිබිණි. එමෙන්ම මෙම සිදුවීම ත්‍රිත්වය සම්බන්ධයෙන් එවකට යුධ හමුදාපතිව සිටි ෆීල්ඩ් මාර්ෂල් සරත් ෆොන්සෙකා මහතාගේ එවකට සිටි ආරක්ෂකයන්ගෙන්ද ප්‍රශ්න කිරීමට නියමිත බවත් වාර්තාවේ. කීත් නොයාර් මහතාට සෘජුවම පහර දුන්නෙ සරත් ෆොන්සේකා විසින් බවට එවකට ඇතැම් මාධ්‍ය වර්තාවන් හෙළිකර තිබිණි. කීත් නොයාර් මහතා ජිවිතාරක්ෂාව පත එවකට විදේශ ගත වු අතර අදත් විදේශ ගතව ජීවත් වේ.
