මේ අනුව ශ්‍රි ලංකාවේද පුරවැසියකු වන ඔහු ඉන්දියාවේද පුරවැසියකු ලෙස කටයුතු ද කරමින් මෙරට වෙනුවෙන් කරන සේවය කුමක්ද යන්න ගැටලු සහගත බව විදේශ සේවයට සම්බන්ධ පිරිස් පවසති. කෙසේ නමුත් ඔහු මෙරට ඉන්දීය දෙමළ සම්බවයක් සහිත ප්‍රථම රාජතාන්ත්‍රික නිළධාරියා ලෙසද සැලකේ. ඔහුගේ මුතුන් මිත්තන් මෙරට නුවරඑළිය තේ වතු ආශ්‍රිත කම්කරු සේවය සඳහා ඉංග්‍රීසි ආණ්ඩුව විසින් මෙරටට රැගෙන එන ලද දකුණු ඉන්දියාවේ තමිල්නාඩුවේ පුරවැසියන් වේ.
මේ අතර ඉන්දියාවේ නව දිල්ලි නුවර මහ කොමසාරිස්වරිය ලෙස විදේශ අමාත්‍යංශයේ හිටපු ලේකම් චිත‍්‍රාංගනී වාගීෂ්වර පත් කර යැවීම සම්බන්ධයෙන්ද ඉන්දියාවේ සතුටක් නොමැති බවත් ඉන්දියාව සම්බන්ධයෙන් මෙරට විදේශ අමාත්‍යංශය කටයුතු කරන ආකාරය ගැනත ඉන්දියාව සිය රාජ්‍ය තාන්ත්‍රික කනස්සල්ල පළ කර ඇති බවත් දැන ගැනීමට තිබේ. විශේෂයෙන්ම විදේශ අමාත්‍යංශ නිලධාරීන්ගේ ආකාර්යක්ෂමතාවය සම්බන්ධ චෝදනා ගනනාවක් ඉන්දියානු රජය විසින් සිදු කර තිබෙන බවද වාර්තා වේ. ලබන ඔක්තොබර් මාසයේදී ජනාධිපති මෛත්‍රීපාල සිරිසේන මහතාට ඉන්දීය රාජ්‍ය නායකය හමුවීමක් වෙනුවෙන් නිල ආරාධනයක් සිදු කර ඇති බවද දැන ගැනීමට තිබෙන අතර ඉන්දීය මහ කොමසාරිස් කාර්යාල ආරංචි මාර්ග පවසන්නේ එහිදී ප්‍රශ්න ගනනාවකට පිලිතුරු බැඳීමට ජනාධිපතිවරයාට සිදුවනු ඇති බවය. විශේෂයෙන්ම චීනය කෙරෙහි දක්වන වැඩි නැඹුරුතාවය මේවන විට ඉන්දියාවට විශාල ගැටලුවක්ව පවතී.
මේ අතර පසුගියදා පෞද්ගලික සංචාරයක් ලෙස ඉන්දියාවේ තිරුපති වන්දනාවේ ගිය ජනාධිපතිවරයා එම සංචාරය සම්බන්ධයෙන් ඉන්දියාවේ මෙරට මහ කොමසාරිස් කාර්යාලයට හෝ පුර්ව දැනුම් දීමක් සිදුකර නොතිබිම හා ජනාධිපතිවරයාගේ ආරක්ෂාව සම්බන්ධයෙන් ද යම්ගැටලු කාරිත්වයකට මුහුණ පා තිබීම සම්බන්ධයෙන්ද මේ දිනවල කසුකුසුවක් තිබේ.
