සන්ධානයේ ප්රතිපත්ති ප්රකාශය ජනපති මෛත්රීට පිළිගන්වයි
එක්සත් ජනතා නිදහස් සන්ධානයේ මහ මැතිවරණ ප්රතිපත්ති ප්රකාශය ජනාධිපති මෛත්රිපාල සිරිසේන මහතාට අද(28) පිළිගන්වා තිබේ.
ද්රවිඩ ජාතික සන්ධානය ෆෙඩරල් ක්රමයක් අවශ්ය බව සිය මැතිවරණ ප්රකාශයේ සඳහන් කිරීමෙන් මෙරට ජාතිවාදීන්ට වාසියක් අත්කර දී ඇතැයි ජනතා විමුක්ති පෙරමුණේ ප්රචාරක ලේකම් විජිත හේරත් මහතා ප්රකාශ කළේය.
එජාපෙ හා සිවිල් සංවිධාන එකඟතා ගිවිසුමකට අත්සන් තැබීම අද
මූලික දේශපාලන ප්රතිසංස්කරණ, තිරසාර සංවර්ධනය, බලශක්තිය, අධ්යාපනය හා මූලික මානව හිමිකම් සුරක්ෂිත කිරීමට අදාළ එකඟතා ගිවිසුමකට සිවිල් සංවිධාන 75ක් සහ එක්සත් ජාතික පෙරමුණ අතර අත්සන් තැබීම අද (28 වැනිදා) පෙරවරු 9.30 ට කොළඹ පදනම් ආයතනයේදී සිදුකෙරේ.
ඉන්දියාවේ හිටපු ජනාධිපති අබ්දුල් කලාම් මහතා අභාවප්රාප්තවේ.
ඉන්දියාවේ හිටපු ජනාධිපති අබ්දුල් කලාම් මහතා මීට ස්වල්ප වෙලාවකට පෙර දේශනයක් අතර තුරදී අභාවප්රාප්ත වී ඇති බව ඉන්දීය මාධ්ය වාර්තා කරයි.
දෙමළ ජාතික සන්ධාන මෙවර මැතිවරණ ප්රකාශයෙන් උතුරේ ජනතාවගේ ගැටළු විසඳීම සඳහා පෙඩරල් විසඳුමක් අපේක්ෂා කරන බව දක්වා ඇත.
මධ්යම අධිවේගී මාර්ගය ඉදිකිරීමේ පළමු අදියරේ ඉදිකිරීම් කොන්ත්රාත්තුව Metallurgical Corporation of China (MCC) නම් චීන සමාගමකට ලබා දී ඇති බව වාර්තා වේ. මෙම අධිවේගී මාර්ගය ඉදිකිරිම සඳහා චීන Exim බැංකුව ආධාර සපයයි.
ප්රචණ්ඩ ක්රියා 23ක් මැතිවරණ නීති උල්ලංඝනය කිරීම් 515 ක්
මැතිවරණය සම්බන්ධයෙන් මේ වනවිට කැෆේ සංවිධානය වෙත වාර්තා වන සිදුවීම් සංඛ්යාව 538 ක් වන අතර ඉන් 23 ක් ප්රචණ්ඩ ක්රියා ලෙස වාර්තා වී තිබේ.තවත් සිදුවීම් 515 ක් මැතිවරණ නීති උල්ලංඝනය කිරීම් ලෙස වාර්තා වී තිබේ.
ශ්රී ලංකාව තුළ දෙවැනි පුරවැසියන් ලෙස ජීවත්වීමට දෙමළ ජනතාව කිසිසේත් සූදානම් නැති බව දෙමළ ජාතික සන්ධානයේ නායක ආර්.සම්බන්ධන් මහතා ප්රකාශ කර ඇත. ඔහු මේ බව පවසා ඇත්තේ පසගිය(25) දින යාපනය මරුදනාර්මඩම් හි පැවැති දෙමළ ජාතික සන්ධානයේ, යාපනය දිස්ත්රික්කයේ ප්රථම මැතිවරණ ප්රචාරක රැලිය අමතමින්ය.
