මේ වන විට ඔහු බ‍්‍රසීලයේ සා ඕ කාලෝස් රෝහලේ ප‍්‍රතිකාර ලබයි. එම රෝහල වටා පාපන්දු ලෝලීන් දහස් සංඛ්‍යාත පිරිසක් හැඬූ කඳුලින් රොක් වී සිටින බව වාර්තාවේ.
ලෝක කුසලාන පාපන්දු තරගාවලියේ අර්ධ අවසන් පූර්ව වටයේ ඊයේ (04) පැවති තරඟයේදී, තවත් ලතින් ඇමරිකානු රටක් වන කොළොම්බියාවට එරෙහිව ගෝල දෙකට එකක් ලෙස ජය ලබා අවසන් පූර්ව වටයට සුදුසුකම් ලැබුවේ සත්කාර බ‍්‍රසීලයයි.
එහිදී බ‍්‍රසීල ක‍්‍රීඩකයන්ගේ විශිෂ්ඨ කුසලතා එහිදී ප‍්‍රදර්ශනය වූ අතර තරඟය නිමා කිරීමට විනාඩි 2ක් තිබියදී, ඉදිරි පෙළ ක්රීඩක නේමාර්ට මෙම අවසානාවන්ත සිද්ධියකට ද මුහුණදීමට සිදුවිය.
බ‍්‍රසීලය වෙනුවෙන් මෙවර ලෝක කුසලාන තරගාවලියේදී ගෝල 4ක් වාර්තා කළ ඉදිරි පෙළ ක්රීඩක නේමාර් කොළොම්බියානු ක‍්‍රීඩකයෙකු අතින් එසේ ආබාධයකට ලක්වී, කොදු ඇට පෙළට සුළු හානියක් හෝ සිදුව ඇති බැවින් ඔහුට ලෝක කුසලාන තරගාවලියේ ඉදිරි තරඟ අහිමි වනු ඇත.
විශේෂයෙන් ජර්මනිය සමඟ ලබන අඟහරුවාදා පැවැත්වෙන අවසන් පූර්ව තරඟයේදී නේමාර් අහිමි වීම බ‍්‍රසීල කණ්ඩායමට අවාසිදායක විය හැකිය.
