මේ අනුව ඔහුගේ එක්දින සහ ටෙස්ට් උප නායකත්වයන්ද ඉවත් කිරීමට තේරීම් කමිටුව පියවර ගත්තා. එහි ප්‍රතිඵලයක් ලෙස චන්දි එංගලන්ත තරගාවලිය සදහා පිටත්ව ගියේ පිතිකරුවකු ලෙසයි.
මේ අනුව එංගලන්තයේදී හිමිවූ එක්දින තරග 03 කදී ඔහු ලකුණු 38 ක් රැස්කළද එහෙත් එය කණ්ඩායමේ රැදී සිටීමට තරම් ප්‍රමාණවත්වූයේ නැහැ.
එළඹෙන දකුණු අප්‍රිකා එක්දින තරගාවලිය සදහා නම්කළ සංචිතයේ 16 දෙනා අතරට හෝ ඇතුලත්වීමට චන්දිමාල්ට නොහැකිවන්නේ මේ අනුවයි. එමෙන්ම පසුගිය තරගාවලි ගණනාවේදීම එක්දින සංචිතයේ සිටි චතුරංග ද සිල්වාටද සංචිතයේ ස්ථානය අහිමි වී තිබෙනවා. එහෙත් ඔහු කිසිදු තරගයක් සදහා ක්‍රීඩා කර තිබුනේ නැහැ.
දකුණු අප්‍රිකාව සදහා වන එක්දින තරගාවලිය සදහා මේ අනුව කණ්ඩායමට එක්ව ඇත්තේ කිත්රුවන් විතානගේ සහ උපුල් තරංගයි. නායක ඇන්ජලෝ මැතිව්ස්, උප නායක ලහිරු තිරිමාන්න, තිලකරත්න ඩිල්ෂාන්, කුසල් පෙරේරා, කුමාර් සංගක්කාර, මහේල ජයවර්ධන, අශාන් ප්‍රියන්ජන, සචිත්‍ර සේනානායක, රංගන හේරත්, අජන්ත මෙන්ඩිස්, තිසර පෙරේරා, නුවන් කුලසේකර, සුරංග ලක්මාල් සහ ලසිත් මාලිංග සෙසු සාමාජිකයින් ලෙස කටයුතු කරනවා. දෙරට අතර පළමු එක්දින තරගය පැවැත්වෙන්නේ ලබන 06 වැනිදා කොළඹ ආර්.ප්‍රේමදාස ක්‍රීඩා පිටියේදී දිවා තරගයක් ලෙසයි.
මූලාශ්‍රය- freehit
