ESPN සගරාවේ කතෘ චැඞ් මිල්මෑන් පවසා ඇත්තේ 6වන වරටත් මෙම සුවිශේෂී කලාපය සාර්ථකව නිකුත් කිරීමට තම කණ්ඩායම සමත්වූ බවයි.
මේ වසරේ සගරාව තුළ දැක්වෙන සුපිරි ඡයාරූපවලින් සුපිරිතම ක‍්‍රීඩක ක‍්‍රීඩිකාවන් 22කගේ නිරුවත් සිරුරුවලටත් ඒවායේ කාර්යභාරයටත් උත්තමාචාර පිදෙන බවද ඔහු පවසා තිබේ.
මෙවර සගරාවේ විශේෂත්වයක් වන්නේ ඒ සඳහා සුපිරි ටෙනිස් ක‍්‍රීඩිකා වීනස් විලියම්ස්ද නිරුවත් වීමට තීරණය කර තිබීමයි. මින් පෙර ඇගේ සොයුරිය වන සෙරිනා විලියම්ස්ද ESPN සගරාව සඳහා නිරුවත් වී තිබේ.
පස් වරක් විම්බල්ඩන් කිරුළ දිනූ වීනස්ට අමතරව ඔලිම්පික් රන් පදක්කම් 18ක් දිනා ඇති පිහිනුම් ක‍්‍රීඩක මයිකල් ෆෙල්ප්ස්, සියැටල් සීහෝක්ස් කණ්ඩායමේ මාර්ෂෝන් ලින්ච්, ටෙක්සාස් රේන්ජර්ස්හි ප‍්‍රින්ස් ෆීල්ඩර්, ඔක්ලහෝමා සිටි තන්ඩර් ඉදිරිපෙළ ක‍්‍රීඩක සර්ජි ඉබාකාද මෙවර නිරූපණයට එක්ව ඇත.
සර්ෆින් ක‍්‍රීඩකා කොකෝ හෝ සිය සුරූපී සිරුර ESPN සිරුරු ප‍්‍රකාශනය සඳහා අනාවරණය කර ඇති අතර ඔලිම්පික් ලෝකඩ පදක්කම් ලාභී බොබ්ස්ලෙඩින් ක‍්‍රීඩිකා ආයා එවන්ස්, බාස්කට්බෝල් ක‍්‍රීඩිකා ඒන්ජල් මැක්කෝටි‍්‍රද මෙවර කලාපය හා එක්වී තිබේ.
ලොව වයස්ගතම බොක්සිං ශූරයා වන බර්නාඞ් හොප්කින්ස්ද ESPN සිරුරු හා එක්ව තිබීම තවත් විශේෂත්වයකි.
(ලංකා සි නිව්ස්)
