යාල ජාතික වනෝද්‍යානය අද (01)දා සිට මාසයක කාලයක්‌ දෙස්‌ විදෙස්‌ සංචාරකයන් සඳහා වසා තැබෙන බව වනජීවි සංරක්‌ෂණ අධ්‍යක්‍ෂ ජනරාල් එච්. ඩී. රත්නායක මහතා සඳහන් කළේය.
අන්තර්ජාලය ඔස්සේ ජනප‍්‍රිය ‘අයිස් බකට් අභියෝගය’ ට අභියෝගයක් එල්ල කරන්නට ශ‍්‍රී ලාංකිකයන් පිරිසක් අලූත් අභියෝගයක් ආරම්භ කර තිබේ. අමුමිරිස් අභියෝගය ලෙස නම් කර ඇති මෙහිදී අභියෝග වන්නේ අමු මිරිස් කරල් තුනක් කා දැමීමයි.
යළි එජාපයට එක් වන්නට යයි රනිල්‍ වික්‍රමසිංහ මහතා තමා ඇතුළු පිරිස්වලට ප්‍රසිද්ධියේ ආයාචනය කළද, තවමත් ඒ සඳහා කලයුතු ගතයුතු එකදු හෝ හරයාත්මක පියවරක් ගෙන නැති බවත්, අවම වශයෙන් පක්ෂයේ වගකිවයුතු කිසිවකු දුරකතනයෙන් හෝ කතා කොට නැති බවත් බස්නාහිර පළාත් සභාවේ එජාප හිටපු මන්ත්‍රී නීතිඥ ශිරාල් ලක්තිලක මහතා පවසයි.
මේ මොහොතේ නියෝජ්‍ය නායකධුරය හෝ වෙනත් කිසිඳු තනතුරක් බාර නොගන්න ලෙසත්, සැප්තැම්බර් 06 දා තෙක් දේශපාලන කටයුතු මඟ හැර නිශ්ශබ්දව සිටින ලෙසත් එජාප මන්ත්‍රී සජිත් ප්‍රේමදාස මහතාට ජෝතිෂ්‍යවේදීන් කිහිපදෙනෙකුම උපදෙස් දී ඇතැයි වාර්තාවේ.
ඇමෙරිකන් තානාපති කාර්යාලයේ නිලධාරිනියකට කොල්ලුපිටිය ඩර්ඩන්ස් රෝහලේදී ලිංගික අතවරයක් සිදුකළ බවට චෝදනා ලැබ සිටි සැකකාර විශේෂඥ වෛද්‍යවරයා මියගොස් ඇති බව නීතිඥවරයකු විසින් මරණ සහතිකයක් කොටුව මහෙස්ත්‍රාත් අධිකරණයේදී මහෙස්ත්‍රාත් තිළිණ ගමගේ මහතා වෙත ඉදිරිපත් කරමින් දැනුම් දුන්නේය.
පාර්ලිමේන්තුවේ හිටපු මහලේකම් සෑම් විජේසිංහ මහතා අභාවප්‍රාප්ත විය.
මොනරාගල අංග සම්පූර්ණ දිස්‌ත්‍රික්‌ පරිපාලන සංකීර්ණය අද (01) සවස 3.00 ට ජනාධිපති මහින්ද රාජපක්‌ෂ මහතාගේ ප්‍රධානත්වයෙන් විවෘත කෙරේ.
පසුගිය සතියේ බඩල්කුඹුරේදී සිය ආධාරකරුවන්ට එල්ල වූ ප්‍රහාරයකට සම්බන්ධ සැකකරුවන් අත් අඩංගුවට ගැනීමට ක්‍රියා නොකළ බවට ආණ්ඩුව නගන චෝදනාව සත්‍යයෙන් තොර බව පොලිසිය පවසයි.
