උරුමය සින්නක්කර ඉඩම් ඔප්පු ලබාදීමේ වැඩසටහන සඳහා ඉල්ලුම් කිරීමට ක්ෂණික දුරකථන ඇමතුම් අංකයක් ලබාදුන් බව ජනාධිපති කාර්යාලය විසින් පවසයි.
කොළඹ අංක 1 කොට්ඨාෂය (කොටුව) ප්‍රදේශය විචිත්‍රවත් සංචාරක හා ආර්ථික කේන්ද්‍රස්ථානයක් සහ ආදර්ශ තිරසාර නගරයක් බවට පත් කිරීමේ ව්‍යාපෘතියක් දියත් කර ඇති බව වාර්ථා වේ.
හිමාලයේ දැඩි ශීතල මැද බවුන් වඩපු යෝගිතුමාගේ වීඩියෝව ඇත්තක් !
හිමාලය ආශ්‍රිතව හිම වැටෙන අධික ශීතලේ කිසිදු උඩුකය ආවරණයක් නොමැතිව බවුන් වඩන යෝගීවරයෙකුගේ වීඩියෝවක් මේ වනවිට සමාජ මාධ්‍ය ජාලාවල ශීඝ්‍රයෙන් සංසරණය වෙමින් තිබේ.
ඒ අනුව බොහෝ දෙනා මේ සම්බන්ධයෙන් අදහස් දක්වමින් සදහන් කොට තිබුණේ AI තාක්ෂණය ඔස්සේ මෙය නිර්මාණය කොට ඇති බවය.
නමුත් ඉන්දීය මාධ්‍ය මේ පිළිබද විමර්ශනයක් කොට වාර්තා කොට ඇත්තේ අදාළ වීඩියෝව සත්‍ය එකක් බවත්, එහි සිටින්නේ හිමාලය ප්‍රදේශයේ වසර 20ක කාලයක් පමණ බවුන් වඩන සත්යේන්ද්ර යෝගිතුමා බවත්ය.
හිමාචල් ප්‍රදේශ් හි කුල්ලු හි අධ්‍යාත්මික සංවිධානයක් වන කෞලන්තක් පීත්, මෙම සමාජ මාධ්‍යයේ සැරිසරන විඩියෝවේ ඇති යෝගියා සත්යේන්ද්ර නාත් ලෙස හඳුනාගෙන එය ව්‍යාජ වීඩියෝවක් නොවන බව ප්‍රකාශ කර තිබේ.
Kaulantak Peeth කියා සිටියේ සත්යේන්ද්ර නාත් ඔවුන්ගේ සංවිධානය සමඟ දැනට වසර කිහිපයක සිට සම්බන්ධ වී සිටින බවයි. අදාළ වෛරස් වීඩියෝව රූගත කර ඇත්තේ සත්යේන්ද්ර නාත්ගේ ගෝලයෙකු වන රාහුල් විසිනි,
පෙබරවාරි මාසයේ මුලදී, සත්යේන්ද්ර නාත් රාහුල් සහ සවර්නිනාත් ඇතුළු ඔහුගේ ගෝලයන් සමඟ මාසයක් කුල්ලු දිස්ත්‍රික්කයේ සෙරාජ් නිම්නය වෙත ගමන් කර ඇති බවත් ඔවුන්ගේ සංචාරය අතරතුර එක් දිනක දරුණු හිම කුණාටුවක් ඇති වූ අතර එය සත්යේන්ද්ර නාත්ට ඒ ගැන දැනුම් දීමට ගෝලයන් දෙදෙනා පෙලඹ තිබිණ බවත් ඉන්දීය ආරංචිමාර්ග පවසයි එහි වැඩිදුරටත් දන්වා තිබුනේ සත්යේන්ද්ර නාත් සමඟ කතා කිරීමට ගිය විට, ඔහු හිමෙන් වැසී ගිය කඳුකරයේ ගැඹුරු භාවනාවක සිටිනු දැකීම නිසා ඔහුගේ වීඩියෝ පටිගත කිරීමට තීරණය කර ඇති බවයි.
- රංජනා සෙව්වන්දි
ආසියානු සංවර්ධන බැංකුවෙන් තවත් ඩො.මි.500 ක ආධාරයක් මෙම වසරේ දී ලැබෙයි
ශ්‍රී ලංකාව මේ වන විට සිදුකරමින් පවතින ප්‍රතිපත්ති ප්‍රතිසංස්කරණවල ප්‍රගතිය මත පදනම්ව 2024 දී ශ්‍රී ලංකාවට ආසියානු සංවර්ධන බැංකුවෙන් ඇමෙරිකානු ඩොලර් මිලියන 500 ක ආධාරයක් ලැබිය හැකි බව මැනිලා හි අධ්‍යක්ෂ, තකාෆුමී කා‌ඩොනො (Takafumi Kadono) පවසයි.
ඒ අනුව සංශෝධිත විදුලි ප්‍රතිසංස්කරණ පනත් කෙටුම්පතට අනුමැතිය ලැබීමෙන් පසුව එක්සත් ජනපද ඩොලර් මිලියන 100 ක බලශක්ති අංශයේ ණයක් මාර්තු හෝ අප්‍රේල් මාසයේදී පමණ ලැබීමට නියමිතය.
කුඩා හා මධ්‍ය පරිමාණ ව්‍යවසායකයින්ට ආධාර කිරීම සඳහා ඩොලර් මිලියන 100 ක ණයක් ද වසරේ මුල් භාගයේදී අනුමත වේ. කුඩා සමාගම් සඳහා ණය ලබා දීම සඳහා ශ්‍රී ලංකාව ණය ඇපකර නියෝජිතායතනයක් පිහිටුවීමට නියමිතය.
මූල්‍ය අංශය සඳහා ඩොලර් මිලියන 200 ක ණය මුදලක් ද මෙම වසර සඳහා ලබා දීමට නියමිතය. ආසියානු සංවර්ධන බැංකුව පසුගිය වසරේ අගභාගයේදී මුල්‍ය අංශයේ ප්‍රතිපත්ති ණයේ පළමු වාරිකය ලබා දුන්නේය.
ජල අංශය සංවර්ධනය සඳහා ඩොලර් මිලියන 100ක් වසර අගදී අනුමත වීමටද නියමිතය.
සාමාන්‍යයෙන් ආසියානු සංවර්ධන බැංකුවෙන් ශ්‍රී ලංකාවට වසරකට ඇමෙරිකානු ඩොලර් මිලියන 200ත් 300ත් අතර ප්‍රමාණයක් අඩුම අනුපාතිකයට හෝ සියයට 2ක සහනදායී සාමාන්‍ය ප්‍රාග්ධන සම්පත් (COL) අනුපාතයට ලබාගත හැකිය. ආසියානු සංවර්ධන බැංකුව 2024-2028 කාලසීමාව ආවරණය වන පරිදි ශ්‍රී ලංකාව සඳහා ‘රටේ හවුල්කාරිත්ව උපාය මාර්ගයක්’ පිළිබඳ වැඩ ආරම්භ කර ඇති බව ද කඩෝඩෝ පවසයි
රට බංකොලොත් වුණේ 75 වසරක සාපෙන් නෙමෙයි! මහින්ද වැඩකට නැති ණය ගැනීමෙන්! ඒකට රතු මල්ලිලාත් වග කියන්න ඕන! - මරික්කාර්
රට බංකොලොත් වුණේ 75 වසරක සාපය හේතුවෙන් නොවන බවත් අධික ලෙස ණය ගත් නිසා බවත් ශ්‍රී ලංකාව මේ වනවිට ඩොලර් බිලියන 90 ක් ණය බව පාර්ලිමේන්තු මන්ත්‍රී එස් එම් මරික්කාර් පැවැසීය.
මෙවර උසස් පෙළ විභාගයට පෙනී සිටි සිසුන්ට ඉංග්‍රීසි භාෂාව මාර්ගෝපදේශනය සහ තමන් කැමති වෘත්තීය විෂයක් නොමිලයේ හැදෑරීම එළැඹෙන මාර්තු 05 වනදා සිට ක්‍රියාත්මක කරන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත විසින් විශේෂ ප්‍රකාශයක් සිදුකරමින් කියා සිටි.
කොරියානු භාෂා පරීක්ෂණයේ ප්‍රවේශ පත්‍ර නිකුත් කිරීම online හරහා පමණයි
2024 වර්ෂයේ කොරියානු භාෂා පරීක්ෂණයේ ප්‍රවේශ පත්‍ර නිකුත් කිරීම හෙට (26) සිට 29 වනදා දක්වා මාර්ගගත ක්‍රමය ඔස්සේ පමණක් සිදුකිරීමට තීරණය කර ඇත.
අද (26) සිට නැගෙනහිර සහ ඌව පළාත්වල පවතින වියළි කාලගුණ තත්ත්වයේ තාවකාලික වෙනසක් අපේක්ෂා කරන බව කාලගුණවිද්‍යා දෙපාර්තමේන්තුව පවසයි.
