ශ්‍රී ලංකාව තුළ හදිසි භාවිතය සඳහා ජාතික ඖෂධ නියාමන අධිකාරියේ අවසරය චීනයේ නිෂ්පාදිත සිනොවැක් කොවිඩ් මර්දන එන්නත සඳහා ලැබී තිබේ. ඒ අනුව සියලුම වර්ගයේ කොවිඩ් මර්දන එන්නත් ශ්‍රී ලංකාව තුළ භාවිතයට අවස්ථාව හිමිවී ඇති බව රාජ්‍ය අමාත්‍ය, මහාචාර්ය චන්න ජයසුමන මහතා පවසයි.
මෙහෙකාර සේවයේ යොදවා සිටියදී පාර්ලිමේන්තු මන්ත්‍රී රිෂාඩ් බදියුදීන් මහතාගේ නිවසේ දී පිළිස්සුම් තුවාල ලබා මියගිය දැරිය දීර්ඝ කාලයක සිට ලිංගික ප්‍රවේශයක් සිදුවී ඇති බවට පශ්චාත් මරණ පරීක්ෂණයෙන් අනාවරණය වී ඇති බව පොලීසිය පවසයි.
ගුරුවරුන්ගේ ගැටලු විසදීමට අධ්‍යාපන බලධාරීන්ට අවශ්‍යතාවක් නොමැති බව ලංකා ගුරු සංගමය චෝදනා කර තිබෙනවා.
අමෙරිකානු රජයේ ප්‍රදානයක් ලෙස මොඩර්නා එන්නත් මාත්‍රා ලක්ෂ 15ක් අද (16) දිනයේ මෙරටට ලැබී තිබේ. කොවැක්ස් පහසුකම යටතේ මෙම එන්නත් මාත්‍රා තොගය ශ්‍රී ලංකාවට ලැබෙන අතර මෙම එන්නත මෙරටට ලැබෙන පළමු අවස්ථාවද මෙයවේ.
කොළඹට උතුරින් පිහිටි කෙරවලපිටියේ මෙගාවොට් 350ක ගෑස් බලයෙන් ක්‍රියාකරන විදුලි බලාගාරයක් ඉදිකිරීම සඳහා ශ්‍රී ලංකාවේ එල්ටීඑල් සමාගම සමග එක් වූ බව එක්සත් ජනපදයේ ‘නිව් ෆෝට්රස් බලශක්ති සමාගම'(New Fortress Energy) පවසා තිබෙනවා.
“සෞභාග්‍යයේ දැක්ම” ප්‍රතිපත්ති ප්‍රකාශයේ තවත් පොරොන්දුවක් ඉටුකරමින් පුරවර විශ්වවිද්‍යාල වැඩසටහන ඇරඹේ. එහි පළමු සරසවිය කෑගල්ල දිස්ත්‍රික්කයේ, පින්නවල ප්‍රදේශය කේන්ද්‍ර කරගනිමින් ඉදිරි සති කිහිපය තුළදී ආරම්භ කිරීමට සැලසුම් කර තිබේ.
අවුරුදු 30ට වැඩි පිරිසෙන් සියයට 36කට කොවිඩ් මර්දන පළමු එන්නත් මාත්‍රාව දී ඇති බව සෞඛ්‍ය ප්‍රවර්ධන කාර්යාංශයේ අධ්‍යක්ෂ විශේෂඥ වෛද්‍ය රංජිත් බටුවන්තුඩාව මහතා පැවසුවේය.
නොරොච්චෝලේ පුළුල් නොකරන ජනපතිගේ තීරණය අගයනවා... - හලාවත රදගුරු
නොරොච්චෝලේ ගල් අඟුරු තාප බලාගාරය තවදුරටත් පුළුල් නොකිරීමට ජනාධිපති ගෝඨාභය රාජපක්ෂ මහතා ගෙන ඇති තීරණය හලාවත පදවි පූජක, ගිහි සියලූ දෙනාම අගය කරන බවත් හරිත ආර්ථිකයක් කරා රට ගෙනයන්නට නම් සොබා දහමෙන් අපට ලැබී ඇති සම්පත් උපරිමයෙන් ප‍්‍රයෝජනයට ගැනීම අනිවාර්යෙන්ම සිදුවිය යුතු බවත්, වැලන්ස් මෙන්ඩිස් හලාවත පදවි රදගුරුතුමන් නිකුත් කර ඇති නිවේදනයක සඳහන් වේ.
