ඔහු වැඩිදුරටත් පවසා ඇත්තේ තමා යුකරේනයේ කිව් නගරයේ ජීවත් වන බවයි.
මා සම්බන්ධයෙන් යුක්රේනය තුල කිසිදු කිසිදු අපරාධ විමර්ශනයක් සිදුවන්නේ නැති බවට යුක්රේන අභ්‍යන්තර කටයුතු අමාත්‍යාංශය විසින් 2015අප්‍රේල් මස 01වනදා නිකුත් කරන ලද අංක 668588දරන සහතිකය මා සතුව ඇතැයි යනුවෙන්ද එම නිවේදනයේ දැක්වේ.
තමා යුක්රේන කැරලිකරුවන්ට ආයුධ සැපයුවේ නම් තමන්ට එරට අගනුවර වාසය කිරීමට අවස්තාව ලැබෙනු ඇත්දැයි ඔහු ප්‍රශ්න කරයි.
මොස්කව් අගනුවර තානාපති කාර්යාලයේ සේවය කළ රාජ්‍යතාන්ත්‍රික නිලධාරියකු වූ නොයෙල් රණවීර ගේ මරණයට වගකිවයුතු බවට එල්ල වී තිබෙන චෝදනාවලට පිළිතුරු සපයන උදයංග වීරතුංග පවසන්නේ ඔහුගේ මරණය සිදුවූයේ රුසියානු ජාතිකයකු විසින් පදවන ලද ලොරියකට යටවීමෙන් බව අවධාරණය කරයි.
එම මරණය සම්බන්ධයෙන් දැනට අධිකරණ ක්‍රියාදාමයක් පැවැත්වෙන නමුත් එම මරණයට අදාලව රුසියාව තුල තමාට එරෙහිව කිසිදු පරීක්ෂණයක් නොපැවැත්වෙන බව ද ඔහු එම නිවේදනය මගින් පවසයි.
ශ්‍රී ලංකාවේ දේශපාලන පලිගැනීම් හේතුවෙන් මේ අවස්ථාවේ ශ්‍රී ලංකාවේ සංචාරය කිරීමේ අදහසක් නොමැති බව වැඩිදුරටත් සඳහන් කරයි.
පසුගිය දිනක විදේශ කටයුතු නියෝජ්‍ය අමාත්‍ය අජිත් පී. පෙරේරා පැවසුවේ උදයංග වීරතුංගට එරෙහි චෝදනා ඉතා බරපතල ඒවා බවය. ඒ අනුව ජාත්‍යන්තර සහායද සහිතව ඔහු පිළිබඳ විමර්ශන සිදුකරන බව නියෝජ්‍ය අමාත්‍යවරයා සඳහන් කළේය.
