අමාත්‍යවරයා ඒ බව කියා සිටියේ, ජනාධිපති ආරක්ෂක අංශය විසුරුවා හැර ජනපති ආරක්ෂාව පොලිස් විශේෂ කාර්ය බලකායට පැවරීමට තීරණ කර ඇතැයි පළ වන මාධ්‍ය වාර්තා පිළිබඳව විමසීමක් කළ අවස්ථාවේ.
"එහෙම එකක් නම් නෑ. ජනාධිපති ආරක්ෂක අංශය පිළිබඳව තීන්දු කරන්නේ ජනාධිපතිගේ ආරක්ෂාව භාරව ඉන්න ප්‍රධානීන්. ඉතින් ඒ අය විටින් විට පොලිස් නිලධාරීන් මාරු කරනවා, වෙන වෙන කණ්ඩායම් අරගන්නවා," ඔහු පැවසීය.
ජනාධිපති ආරක්ෂාව ඇතුළු පොලිසිය සම්බන්ධ සියලු තීන්දු ගනු ලබන්නේ පොලිස්පතිවරයා සහ ජනාධිපති ආරක්ෂාව සම්බන්ධ නියෝජ්‍ය පොලිස්පතිවරයා විසින් බවද සඳහන් කළේය.
කෙසේ නමුත් ජනමාධ්‍ය එම වාර්තාව පළ කොට තිබුණේ අමාත්‍යවරයා උපුටා දක්වමින්.
"නෑ මම එහෙම එකක් කියල නෑ. ඒක මම හිතන්නේ වැරදි ප්‍රවෘත්තියක්. මම දැනුවත්ව නෙවෙයි ඒක කෙරෙන්නේ," අමාත්‍යවරයා පැවසීය.
මෙම පුවත ද සන්ඩෙටයිම්ස් පුවත්පතෙහි පළ කර තිබු අතර පොලිස් මාධ්‍ය ප්‍රකාශකවරයාගෙන් කළ විමසීමකදී පී එස් ඩී යට අනුයුක්ත කර සිටින පොලිස් නිලධාරීන් ව නැවත පොලිස්ථානවලට අනුයුක්ත කරන බවද පවසා තිබිණි.
සැබැඳි පුවත්:
ජනපති ජීවිතයට අනතුරක්වීම වලක්වන්න, PSDය විසුරුවයි, ජනාධිපති ආරක්ෂාව STF එකට
