ශ්රී ලංකා නිදහස් පක්ෂයේ පොළොන්නරුව දිස්ත‍්‍රික් නව සංවිධායකවරයා ලෙස නියෝජ්‍ය අමාත්‍ය සිරිපාල ගම්ලත් මහතා පත් කර අැත.
එක්සත් ජනතා නිදහස් සන්ධානයේ නුවරඑළිය දිස්ත‍්‍රික් පාර්ලිමේන්තු මන්ත‍්‍රී පෙරුමාල් රාජතුරෙයි මහතා එක්සත් ජාතික පක්‍ෂයට එක්වි ඇතැයි වාර්තාවේ.
ශ්රී ලංකා නිදහස් පක්ෂයේ මහලේකම් මෛත්‍රීපාල සිරිසේන ඇමතිවරයා ඉවත්වීම බරපතල පහරක් සහ පාඩුවක් වුවත් ජනපතිවරණයේදී ජනාධිපති රාජපක්ෂට සහාය දෙන බව අමාත්‍ය වාසුදේව නානායක්කාර බීබීසී සංදේශයට පැවසීය.
හිටපු සෞඛ්‍ය අමාත්‍ය මෛත්‍රීපාල සිරිසේන පොදු අපේක්ෂකයා ලෙසින් ඉදිරිපත් වන බව ප්‍රකාශයට පත්වීමෙන් අනතුරුව මග්ගොන, පයාගල ප්‍රදේශයේදී ප්‍රීති උත්සව පවත්වමින් සිටි එක්සත් ජාතික පක්ෂ ආධාරකරුවන් පිරිසකට එරෙහිව සිදු වූ වෙඩිතැබීමකින් එක් පුද්ගලයකු තුවාල ලබා ඇති බව පොලිසිය පවසයි.
රාජපක්ෂගේ පාලනය අවසන් කිරීම සඳහා ශ්රී ලනිපයේ මහලේකම් මෛත්‍රීපාල සිරිසේන මහතාට එක්සත් ජාතික පක්ෂයේ පූර්ණ සහය ලබා දීමට ඒකමතිකව තීරණය කළ බව එකසත් ජාතික පක්ෂයේ මහලේකම් තිස්ස අත්තනායක මහතා අද(21) සවස සිරිකොත මන්දිරයේ පැවැති මාධ්‍ය සාකච්ඡාවේදී පැවසුවේය.
