ඉන්දියාව සහ කන්කසන්තුරෙයි අතර මගී නැව් සේවාව අද සිට යලි ඇරඹේ
උතුරු මුහුදු සීමාවේ පසුගිය කාලයේ පැවති අයහපත් කලගුණික තත්ත්වය හේතුවෙන් නවතා තිබූ ඉන්දියාව සහ කන්කසන්තුරෙයි අතර මගී නැව් සේවාව අද (02) සිට යළි ක්‍රියාත්මකයි.
කතරගම මහා දේවාලයේ මුල්‍ය අනුග්‍රහයෙන් ඉදිකළ ඇටමිදුළු බද්ධ කිරීමේ ඒකකය අපේක්ෂා රෝහලේ දී අද විවෘත වේ
ශ්‍රී ලංකා ගුවන් හමුදා ශ්‍රම දායකත්වයෙන් හා රුහුණු කතරගම මහා දේවාලයේ මුල්‍ය අනුග්‍රාහකත්වයෙන් පිළිකා රෝගි දරුවන් වෙනුවෙන් ඇටමිදුළු හා රුධිර ජනන සෛල බුද්ධකිරීමේ ඒකකයක් මහරගම අපේක්ෂා රෝහලේ දී අද (02) විවෘත කෙරුණි.
සුරාබදු දෙපාර්තමේන්තුව හඳුන්වා දීමට යන අඩු මිල මත්පැන් බෝතලය ශ්‍රී ලාංකිකයන්ගේ ජීවන තත්ත්වය ඉහළ නැංවීම අරමුණු කරගත් වත්මන් රජයේ ප්‍රතිපත්තියට පටහැනි යැයිද මත්පැන් කර්මාන්තයටම පමණක් යහපතක් සිදුවන එම ප්‍රතිපත්තිය ගැන නැවත සලකා බලන්නැයි ඉල්ලමින් ශ්‍රී ලංකා වෛද්‍ය සංගමය සුරාබදු කොමසාරිස් ජනරාල් යූ.එල්. උදයකුමාර මහතාට ලිපියක් යොමු කර ඇත.
ශ්‍රී ලංකා රේගුව රු. 2024 වසරේ ට්‍රිලියන 1.515ක වාර්තාගත ආදායමක් ඉපැයූ බව එහි මාධ්‍ය ප්‍රකාශක සහ අතිරේක අධ්‍යක්ෂ ජනරාල් (ADG) සීවලී අරුක්ගොඩ මහතා නිවේදනය කරයි.
ශ්‍රී ලාංකිකයන් විදේශයන්ට ඩොලර් මිලියන 670 ක් වියදම් කරලා
2024 වසරේ මුල් මාස 11 තුළ ශ්‍රී ලාංකිකයන් විදේශ සංචාර සඳහා ඩොලර් මිලියන 670 කට අධික මුදලක් වැය කර ඇති අතර එය 2023 වසරේ අනුරූප කාලපරිච්ඡේදයට වඩා 378% ක වැඩිවීමක් වන අතර සේවා අංශය ශුද්ධ ගලා ඒම වාර්තා කරමින් පවතින බව මහ බැංකු දත්ත පෙන්වා දෙයි.
2024 වර්ෂයේ රජයේ පාසල් හා රජයේ අනුමත පෞද්ගලික පාසල්වල තෙවන පාසල් වාරයේ අවසන් අදියර අද (02) සිට ආරම්භ වේ.
මධ්‍යම, ඌව සහ දකුණු පළාත්වලත් අම්පාර සහ මඩකලපුව දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුන විද්‍යා දෙපාර්තමේන්තුව පවසයි.
කෘෂි සහ ධීවර කර්මාන්ත රැකගන්න ආනයනික විශේෂ වෙළඳ භාණ්ඩ බද්ද තවදුරටත් පවත්වා ගනී
අත්‍යවශ්‍ය ආහාර ද්‍රව්‍ය ඇතුළු තෝරා ගත්‌ භාණ්ඩ වර්ග 63 ක ආනයනික විශේෂ වෙළඳ භාණ්ඩ බද්ද සංශෝධනය කිරීමෙන්‌ තොරව අඛණ්ඩව පවත්වා ගෙන යෑම සඳහා ගැසට්‌ නිවේදනයක්‌ පෙරේදා (31) නිකුත්‌ කළ බව මුදල්‌, ක්‍රමසම්පාදන සහ ආර්ථික සංවර්ධන අමත්‍යංශය පැවසීය.
